اكتر حاجة مضايقاني ان مصر ماتستاهلش كدة
مينفعش اللي بيحصل دة
اللي بيحصل ده اخرته بايخة قوي
المصريين مايستهلوش كدة
كدة حرام
اي نعم كدة بانت للمسحيين و للمسلمين ان العملية مش فتنة طائفية
و ان الاضطهاد مش للمسيحيين بس
ولا للشيعه بس
ولا للقرأنيين بس
ولا للبهائيين بس
الاضطهاد للمصريين بس
اه والله
للمصريين بس
جرب كدة يبقى معاك باسبور اجنبي
مفيش حد حيقربلك
اللي حصل في الأسكندرية الاسبوع اللي فت و اللي حصل في العمرانية امبارح و اللي بيحصل كل يوم لكل الناس في الشارع
يثبت بالدليل القاطع
ان الموضوع هو اضطهاد المصريين كلهم
و ان الأفندي وزير الداخلية مش بيهمة حد
لا كبير ولا صغير
لا مسلم ولا مسيحي
و كل بالجذمة
و اللي مش حيبوس الجذمة من فوق
حيداس علية بالجذمة من تحت
يا مصريين
فوقوا
لا البرادعي حيحل الأزمة
ولا جمال حيحل الأزمة
انتم اللي حتحلوا ازمتكم
اقفوا قدام الحرامية
حاربوهم
كلهم
النظام ده كلة حرامية
و انتم اغنياء
متصدقوش ان مصر فقيرة
احنا تمانين مليون
40% منا شباب
يعني قادر على العطاء
يعني قادر على التغيير
بلدنا محتجانا
اطفالنا عايزنا نقف معاهم
اولادنا دول لو فضل الحال على ماهو علية حيبقى مصيرهم اية
التغيير في يد كل واحد مننا
لازم نحارب الطغيان و الاستبداد
لازم نقول لأ الف مرة
شوفوا الصور
دول بالذمة مايجوش 10000 مواطن
و دى كنت فاكرها صورة من الضفة الغربية زي صور نقط التفتيش بتاعة اليهود
و دي اطفال غزة و الحجارة
الصورة دية من بغداد
دول بقى مين بيصرف عليهم عشان يعملو كدة في ولادنا و اخواتنا
شايفين مصر وصلت فين
عشان تصدقوا اننا محتلين من الحزب الوطني و النظام الحاكم
يسقط يسقط حسني مبارك
يسقط يسقط كل عميل
