بناتك يا مصر

جرا ايه يا جيل الثورة مشيتوا مبارك و العسكر و فضحتم الاخوان و السلفيين و تجار الدين و كل ده و انتم لسه بتسخنوا في الملعب … انشفوا و اصمدوا

يا جيل الثورة يا معلم الحكام الادب في كل مكان يا مخاوفين الدبابة و المدرعة يالي طحنتوا العادلي في ست ساعات و غيرتوا شكل الدنيا

جيلنا و الكبار مشيوا جوا الحيط .. اديتونا الامل و رديتوا فينا الروح .. و بقينا نتفس حرية بسببكم كملوا و اطحنوا الاوغاد ده كلها كام ساعة

يا جيل بيشرب شاي في وسط الضرب و يمسك ايد صاحبته و هو داخل على الكوردون و يفرم الاوغاد 
ما تنسوش فضلكم على العباد

يا جيل علمنا المقاومة و الصمود يا جيل حيحرر قدس من اليهود 
يا جيل بيسحل الخيال و يحقق المحال و ينشر الحب و الحرية 
اصمدوا و اثبتوا بكرة ليكم

يا جيل بناته وقفه على الكردون
تسحب وراها رجالة مش بدقون 
تزعق و تصرخ بأعلى صوت في الكون

بناتك يا مصر مش زي اي بنات 
بناتك يا مصر مش قابله تاني سكات

يا جيل معلم في الجبال علامات 
نافر و غاضب مش راضي باللي فات 
ناوي يغير مهما منه مات

يا جيل معلم الدنيا نهاية الطاغوت 
يا جيل بيرفض ان غيره يموت 
يا جيل مأدب الي جي و اللي فات 
اصمد و حارب و الله هانت 
انتم الامل و بكرة ليكم

بكرة ليكم مش لينا 
بكرة احلى 
بكرة ده بتعملوه دلوقت 
بكرة ده بتلونوه دلوقت 
دم الشهيد في رقبتنا و رقابيكم 

دم الشهيد بيقول ما تنسوني

محمد قاسم 

16.01.2013

تسقط الدولة

استقيظ مبكرا و ابدا الاستعداد للذهاب للعمل يوم طويل و مليان شغل و اجتماعات و استعدادات ... و كالعادة افتح تويتر لاعرف الاخبار و حالة الطرق فاجد اخبار و هري على حادث القطار اتصور انها حادثة اسيوط و احاول ان لا اكمل فمازالت ذكرياتها تدفعني للبكاء و تذكرني بحادثة مستشفى الشاطبي وقتما لقى اكثر من خمسون طفلا في الحضانة مصرعهم محترقين بسبب "ماس كهربائي" و لكني اكتشف انها حادثة جديدة ... يا وجع القلب مجندين من جيل التسعينات قلب الثورة النابض بالحياة ... جيل ترغب الدولة في الخلاص منه فعلا...
ناس بتتكلم عن مؤمرات و خطط و ... اي كلام فارغ
هل ينفع البكاء ... هل ينفع الهتاف ... هل ينفع الاعتصام ... كيف نقضي على تلك الدولة ... سؤال يتردد في اذني بشده لن ينفع اي حل سوى هد تلك الدولة دولة الظلم و القتل و الفاشية ... من يساندني في هد تلك الدولة .. لماذا دائما الفقراء ... لماذا هم من يموتوا في تلك الفواجع .. لماذا ؟ لا اصل سوى لحل وحيد لابد ان نموت حتى تسقط تلك الدولة ... استعنا على الشقا بالله...

ليه غضبانين

من الاخر البوست ده للناس اللي عماله تفتي و بتتكلم و هي كل علاقتها بالثورة النزول مرة او اتنين او حتى 10 الشارع و السير في مسيرات و الهتاف او ممكن قوي يكونوا ما نزلوش و مش راضيين اصلا عن الثورة و بيقولوا علينا بلطجية او ممكن للي فرحانين بسقوط مبارك بس مش عاجبهم اللي حصل مع المجلس العسكري من اهانة و الهتاف بسقوط حكم العسكرو كمان للجماعة اللي بيشجعوا الاخوان و السلفيين و اصحابهم و كده
بصوا بقى
احنا زهقنا منكم جدا و مبقاش عندنا صبر نشرح و نفهم و نتكلم في مبادئ انسانية
كون سيادتك مش فاهم ان القمع و انفراد الدولة بالعنف تجاه مواطنيها بسسب تعبيرهم عن رأيهم و ان البلد محتاجة دكر عشان يلمها لو حضرتك من الناس ديه فعلا يعني مفيش حاجة اقولهالك غير اخبط دماغك في الحيط
مين احنا؟
احنا الشباب اللي نزل يهتف يقول عيش حرية كرامة انسانية فجزء منا اتقتل و استشهد و جزء كبير انصاب و جاتله عاهات
على فكرة احنا نزلنا 25 يناير اللي هو عيد الشرطة و اه احنا متفقين على ان العسكر بلطجية و ديه جزء من عقيدتنا مش كلام و خلاص و انهم اداة قمع للسلطة حتى تستمر
احنا كام؟ معرفشي و مش عايز اعرف
ليه مالناش قائد ؟ عشان احنا غير سلطويين و لا نمارس السياسة لأننا مش مقتنعين بيها و مش حنقتنع احنا اتخنقنا من كل واحد بدل ما يشغل باله يحل مشاكل البلد ازاي او بلاش ديه بدل ما يطبق حلول لمشاكل البلد اول حاجة بيشغل باله بيها هي حريتي و اعتقادي و ايماني
حنعمل ايه؟
احنا مكملين لحد ما اللي في السلطة يفهم انه جي يخدم الشعب مش يركب عليهم
مكملين لحد ما كل واحد غلط يتحاسب
مكملين لحد ما نجبر الحكومة انها بدل ما تشتري مدرعات ب 3 مليار جنيه تشتري بيهم ادوية او تعالج بيهم الناس او تعلم بيهم الناس او تعمل بيهم مشروعات تشغل الشباب
مكملين لحد ما نخلص من كل سلطوي فاهم انه قادر على قمع جيل كامل عمل ثورة في عز ما كان هو ماشي جوه الحيط و في احسن الاحوال مستخبي في سجون مبارك
مكملين لأن محمد حسان و البرهامي مكانوش من ثورتنا و كانوا ضدها و اللي يكدب و يقول كلام غير ده نحط صباعنا في عينيه.
مش عاجبك و متضايق و شغال تثبيط و قايم بدور البيضوحباطي اخبط دماغك في الحيط
احنا بنقع عشان بني ادمين و بنقوم و نكمل نرجع ورا خطوتين و نطلع قدام 10 و يجي معانا مجاذيب جداد كل يوم يقتنعوا و يأمنوا بثورتنا و انها قامت عشان العدل عشان العيش و الحرية و الكرامة الانسانية
انها مش حتسكت غير لما كل واحد اخطأ يتحاسب
انها مش حتسكت غير لما موارد الدولة يتم استخدامها بصورة عظيمة تسمح بوجود عيش و عدل و تبطل تتسرق
احنا نفسنا طويل ايوه عشان الحمد لله احنا مؤمنين بان اللي بنتكلم فيه ده حق و عدل
و مش بنشتري من كلام الاوغاد و صحابهم بتاع اصلكم مش عارفين كله كدب في كدب و انت مش احسن منا عشان تخبي المعلومة
منتظرين الموجة القادمة من الثورة بقيادة شبابنا الحر منتظرين و مكملين معاهم
جيل عنيدبصوا بقى احنا زهقنا منكم جدا و مبقاش عندنا صبر نشرح و نفهم و نتكلم في مبادئ انسانية كون سيادتك مش فاهم ان القمع و انفراد الدولة بالعنف تجاه مواطنيها بسسب تعبيرهم عن رأيهم و ان البلد محتاجة دكر عشان يلمها لو حضرتك من الناس ديه فعلا يعني مفيش حاجة اقولهالك غير اخبط دماغك في الحيط مين احنا؟احنا الشباب اللي نزل يهتف يقول عيش حرية كرامة انسانية فجزء منا اتقتل و استشهد و جزء كبير انصاب و جاتله عاهات على فكرة احنا نزلنا 25 يناير اللي هو عيد الشرطة و اه احنا متفقين على ان العسكر بلطجية و ديه جزء من عقيدتنا مش كلام و خلاص و انهم اداة قمع للسلطة حتى تستمر احنا كام؟ معرفشي و مش عايز اعرف ليه مالناش قائد ؟ عشان احنا غير سلطويين و لا نمارس السياسة لأننا مش مقتنعين بيها و مش حنقتنع احنا اتخنقنا من كل واحد بدل ما يشغل باله يحل مشاكل البلد ازاي او بلاش ديه بدل ما يطبق حلول لمشاكل البلد اول حاجة بيشغل باله بيها هي حريتي و اعتقادي و ايماني حنعمل ايه؟احنا مكملين لحد ما اللي في السلطة يفهم انه جي يخدم الشعب مش يركب عليهم مكملين لحد ما كل واحد غلط يتحاسب مكملين لحد ما نجبر الحكومة انها بدل ما تشتري مدرعات ب 3 مليار جنيه تشتري بيهم ادوية او تعالج بيهم الناس او تعلم بيهم الناس او تعمل بيهم مشروعات تشغل الشباب مكملين لحد ما نخلص من كل سلطوي فاهم انه قادر على قمع جيل كامل عمل ثورة في عز ما كان هو ماشي جوه الحيط و في احسن الاحوال مستخبي في سجون مبارك مكملين لأن محمد حسان و البرهامي مكانوش من ثورتنا و كانوا ضدها و اللي يكدب و يقول كلام غير ده نحط صباعنا في عينيه.مش عاجبك و متضايق و شغال تثبيط و قايم بدور البيضوحباطي اخبط دماغك في الحيط احنا بنقع عشان بني ادمين و بنقوم و نكمل نرجع ورا خطوتين و نطلع قدام 10 و يجي معانا مجاذيب جداد كل يوم يقتنعوا و يأمنوا بثورتنا و انها قامت عشان العدل عشان العيش و الحرية و الكرامة الانسانية انها مش حتسكت غير لما كل واحد اخطأ يتحاسب انها مش حتسكت غير لما موارد الدولة يتم استخدامها بصورة عظيمة تسمح بوجود عيش و عدل و تبطل تتسرق احنا نفسنا طويل ايوه عشان الحمد لله احنا مؤمنين بان اللي بنتكلم فيه ده حق و عدل و مش بنشتري من كلام الاوغاد و صحابهم بتاع اصلكم مش عارفين كله كدب في كدب و انت مش احسن منا عشان تخبي المعلومة منتظرين الموجة القادمة من الثورة بقيادة شبابنا الحر منتظرين و مكملين معاهم جيل عنيد4