قول الحجاج بن يوسف الثقافى عن اهل مصر

صدق الحجاج بن يوسف الثقفى حين قال عن المصريين فى وصيته لطارق بن عمرو

حين صنف العرب فقال عن المصريين لو ولاك امير المؤمنين امر مصر فعليك بالعدل فهم قتله الظلمة و هادمى الامم و ما اتى عليهم قادم بخير إلا التقموه كما تلتقم الام

رضيعها و ما اتى عليهم قادم بشر إلا أكلوة كما تأكل النار اجف الحطب

و هم اهل قوة و صبر و جلدة و حمل...

و لايغرنك صبرهم و لا تستضعف قوتهم

فهم إن قاموا لنصرة رجل ما تركوه إلا و التاج على رأسه

و إن قاموا على رجل ما تركوه إلا و قد قطعوا رأسه

فأتقى غضبهم و لا تشعل نارا لا يطفئها إلا خالقهم

فأنتصر بهم فهم خير اجناد الارض و أتقى فيهم ثلاثا

1- نسائهم فلا تقربهم بسوء و إلا اكلوك كما تأكل الاسود فرائسها
2- ارضهم و إلا حاربتك صخور جبالهم
3- دينهم و إلا احرقوا عليك دنياك
 هم صخرة فى جبل كبرياء الله تتحطم عليها احلام اعدائهم و أعداء الله

اشمعنى الأغنياء من حقهم يشيلوا سلاح والفقراء لأ ؟

مواد فوق دستورية 

مش فاهم والله 

يعني لو الشعب نزل وقال عايز دستور جديد 

ومواد جديدة 

أو مش عايز مواد أصلا

ومش عايز حكومة 

ومش عايز رئيس و يلا ياد من ليك بيتك بيتك بيتك 

الجيش ساعتها يضرب الشعب؟

طيب ماهو حبيب العادلي ضرب الشعب

عايزين تجربوا الدبابات والطيارات وكده 

ههههههه

طيب ما ليبيا اهي 

حنروح بعيد ليه ؟ ليبيا جرب كل حاجة 

والشعب انتصر 

وأي شعب رئيسه بيستخدم معاه العنف

شعبه حينتصر 

فـإيه لازمة بقى مواد فوق دستورية

طيب أنا عايز مادة فوق دستورية تسمحلي إني اشيل سلاح قبل ما تعملو المواد الفوق دستورية 

اشمعنى الجيش يشيل سلاح وأنا لأ ؟ اشمعنى الشرطة تشيل سلاح وأنا لأ ؟ طيب الجيش حيحارب الأعداء , الشرطة بتحارب الشعب وهي مسلحة أنا عايز الشعب كمان يبقى مسلح 

حتقولي عنف وخطر
 ماشي ماهو مفيش حاجة ببلاش 

اليهود الحاجة الوحيدة اللي تمنعهم يقربوا منا إن الشعب يكون مسلح

ساعتها حيعملوا إيه ؟

80 مليون مسلح

اشمعنى الأغنياء من حقهم يشيلوا سلاح والفقراء لأ ؟

اشمعنى المديرين العام من حقهم يشيلوا سلاح والموظفين لأ ؟

أنا عايز كل واحد في البلد ديه يبقى من حقه يشيل سلاح 

انت حضرتك سلفي.. انت عارف انتوا اذيتوا الاسلام

Nawara Negm (@nawaranegm)

Posted Tuesday 23rd August 2011 from Twitlonger

@egyptian_1973 بص بقى يا سيدي انا حاقولك عشان اخلص ضميري قدام ربنا وابقى عملت اللي عليا بالحسنى قبل ما ارجع اتعصب عليك تاني، عشان انا ناوية اتعصب عليك تاني
انت حضرتك سلفي.. انت عارف انتوا اذيتوا الاسلام قد ايه وخصوصا مذهب اهل السنة والجماعة؟ الله اعلم ربنا حيعمل فيكم ايه باللي بتعملوه ده، وما اعرفش اللي منكم مش مأجور حسابه عند ربنا حيبقى ازاي
بص يا سيدي، في كل عصر، من اول عصر معاوية لحد دلوقت، فيه حاجة اسمها فقهاء السلطان، بيعملوا ايه دول، بيطلعوا فتاوى ويقدموا قراءات للتاريخ والاحداث تخدم مصالح السلاطين بالدين لان الدين بيتحكم في اقوى عاطفة جوة الانسان
انتوا بقى عملتوا ايه؟ اقصد السلفيين اللي تابعين دلوقت للوهابية السعودية، انتوا حضراتكم لميتوا كل قراءات وتفسيرات وفتاوى فقهاء السلاطين في كل العهود والعصور وتبنيتوها، ثم رحتوا عملتوا زي الخوارج وعصمتوا النص وقلتوا اللي مش زينا يبقى مش مسلم. ازاي عملتوا كده؟ لما قلتوا: احنا سلفيين يعني على منهج السلف الصالح، ثم رجعتوا وقلتوا المسلمين كلهم سلفيين... يعني اللي مش زيكم يبقى مش مسلم
اولا: المسلمين مش سلفيين ولا حاجة، السلف الصالح اجتهدوا جهدهم واصابوا واخطأوا وامرهم الى الله، وابو حنيفة قال: هم رجال ونحن رجال. يعني المسلمين مش كلهم سلفيين ولا حاجة.
ثانيا: اهل السنة والجماعة قالوا بإنهم تابعين لاجماع الامة، وانتوا فسرتوا اجماع الامة على انه اجماع السلف، اللي ماتوا، ماتوا يعني تحولوا الى نصوص، واديتوا عصمة للنص الوارد عن سير واقوال السلف اكتر من اللي اداها الخوارج لنص القرآن دون الأخذ بالتأويل، واديتوا عصمة للصحابة اكتر من العصمة اللي اداها الشيعة للائمة، وده مش منهج اهل السنة والجماعة، اهل السنة والجماعة مؤمنين بعصمة اجماع الامة.. الامة اللي عايشة مش الميتة، واهل السنة والجماعة لا يعطون العصمة لبشر، اللهم الا العصمة للانبياء فيما يخص الوحي، فيما عدا الوحي فاحنا مش بنعصم حد وده خلاف فقهي بينا وبين الشيعة وبنستند اليه بحديث: انتم اعلم بشئون دنياكم.
ثالثا: وبعد ما خرجتم عن منهج اهل السنة والجماعة ادعيتوا انكم اهل السنة والجماعة، واللي مش زيكم يبقى رافضي او يبقى مبتدع او يبقى متصوف من عباد القبور او او او كل الهذي اللي بتهذوه ده
خلاص كده بعد ما صادرتوا على اي حد تاني وسطيتوا على مذهب اهل السنة والجماعة بالدراع، رحتوا شوهتوا المذهب وقررتوا ان اهل السنة والجماعة اعداء لاهل البيت
ليه بقى؟
اهل البيت طول عمرهم ثوار، وطول عمرهم ضد الحاكم الظالم ومقتولين كلهم، فطبعا اتباع منهجهم غلط عشان منهجهم ثوري
ثم نقلتوا الخلاف اللي بين السنة والشيعة وهو خلاف سياسي من خلاف على ولاية ابو بكر ولا علي، احنا مرشحنا ابو بكر وهم مرشحهم علي، واحنا لم ننكر فضل الامام علي على الجميع، ولو الوهابية بيدعوا انهم حنابلة، الامام احمد بن حنبل كان من محاسيب الامام علي وقال فيه شعر، وقال ان مافيش صحابي يتجاوز الامام علي في فضله، وقال ان اكتر صحابي وردت الاحاديث في مناقبه، وقال انه صحابي ومن اهل البيت، ولا ابو بكر ولا عمر ولا عثمان انكروا فضل الامام علي، وهو امام، والامام علي باب مدينة العلم، ومن اراد المدينة فليأتها من بابها، لكن الخلاف السياسي له اسباب اخرى، ان سيدنا ابو بكر مرشح توافقي انما سيدنا علي كان عليه خلاف سياسي بسبب دوره في بدر، ومافيش عليه اي خلاف ديني، محبته ايمان وبغضه نفاق بصحيح السنة، ودي خاصية مش لاي حد غيره اللهم الا النبي نفسه، والخلاف ده سياسي وجائز، وما يطلعش حد فينا من الملة، واحنا استندنا على ان الرسول طلب من ابو بكر انه يؤمن الناس في الصلاة، وهم استندوا على حديث غدير خم اللي موجود عندنا في كتب السنة: من كنت مولاه فعلي مولاه اللهم والي من والاه وعادي من عاداه، وده برضه ما يدحضش حجة السنة في ان ابو بكر مرشح توافقي، لان سيدنا الامام علي مولانا طبعا وسيدنا، ومنه نتعلم امور الدين ولكن في الظرف التاريخي اللي سيدنا ابو بكر تولى فيه الخلافة كان ابو بكر الانسب عشان ما يعملش خلاف اكبر من الخلاف اللي كان بالفعل موجود في الجزيرة العربية، ده كان الخلاف، وده خلاف موقف السنة فيه قوي، وما يخرجش الشيعة من الملة زي ما انتوا بتقولوا، انتوا بقى نقلتوه وعملتوه خلاف على سيدكم معاوية.. واهل السنة والجماعة مش منهجهم تعظيم معاوية بالجنان بتاعكم ده.. معاوية فئته باغية بمصادر اهل السنة والجماعة، وابتدع في الاسلام ما ليس منه، وقتل حجر واصحابه، وورث ابنه، وتحايل بخدعة المصاحف وقميص عثمان، واهل السنة والجماعة بيسكتوا عنه ترفعا وتعففا وأوكلوا امره الى الله، لكن احنا عندنا في مصادرنا حديث في صحيح مسلم عن اصحاب الرسول اللي بدلوا بعده وحيقابلهم على الحوض ويقولهم تعسا تعسا.. لكن احنا لم نطلع على الغيب وما نقدرش نجزم بأن ده معاوية او من كان معه من الفئة الباغية واذا كان ربنا بيقول "وإن طائفتان من المؤمنين اقتتلوا" يبقى لم ينف عنهم صفة الايمان ولذلك احنا مش بنتكلم عنه، لكن ماحدش من اهل السنة والجماعة اصحاب المذهب صحيح بيتخذ من معاوية قدوة او مثل لما يحب ينتهج منهج في حياته واخدتكم الجلالة ورحتوا دافعتوا عن قاتل الحسين وزورتوا التاريخ وعملتوا زي بتوع اسفين يا ريس وقلتوا ما قتلوش اللي قتله وانما قتله اللي خذله، ده زي ما معاوية قال على عمار بن ياسر: لم نقتله وانما قتله من اتى به الى الحرب.. ده بقى ينسحب على مبارك كمان، مش مبارك اللي قتل المتظاهرين وانما قتلهم اللي نزلهم للمظاهرة
وهنا بيت القصيد
كل الاعيب شيحة اللي بتعملوها دي، وتخرجونا من الملة، وتطلعونا اننا بنكره اهل البيت، وتخلونا نوالي قتلة بضعة من الرسول، وتصورونا على اننا نواصب فعلا مبعثه انكم بتخدموا مصالح سلاطين ايفوا مذهب وولفوه من مجموع فتاوى فقهاء السلاطين على مر العصور عشان يفضلوا قاعدين على كراسيهم
انتوا عارفين انتوا عملتوا ايه عشان تحرموا الثورة على الحاكم؟ انتوا حرمتوا على اهل السنة والجماعة محبة اهل البيت والاقتداء بهم، وزوروتوا التاريخ بشكل مضحك ومفضوح، وحجبتوا على الناس باب العلوم بقطعكم الناس عن باب سيدنا علي، ومش بس كده، وسفهتوا ام المؤمنين عائشة ولخصتوها في طبق عسل بتدلقه وواحدة غيارة والرسول كان بيحبها عشان حلوة.. والسيدة عائشة دي اول قيادة ثورية نسائية في التاريخ الاسلامي، سواء ايام عثمان او ايام علي، وحتى لو اجتهادها ما كانش صائب واجتهاد الامام علي اصوب وده طبيعي لان مافيش اعلم منه الا الرسول بصحيح كتب اهل السنة والجماعة، بس هي اجتهدت وجاهدت، وعملت فتح في وضع المرأة في التاريخ الاسلامي، وانتوا تجاهلتوه ومش بتتكلموا عنه، وما وراكوش حاجة غير تتكلموا عنها كواحدة ست وبس، وبتتعمدوا تتجاهلوا دورها السياسي والعلمي، وتدعوا انكم بتدافعوا عنها وانا مش شايفة اساءة لام المؤمنين اكتر من تلخيصها في واحدة حلوة كان بيحبها الرسول وهي كانت بتغير عليه، والسيدة عائشة راجعت موقفها في موقعة الجمل واصدرت اوامر ثورية لاتباعها بالتوقف عن القتال، مش عشان اتهزمت، بس عشان عندها شجاعة مراجعة الموقف، ولا حد درس اصلا التاريخ السياسي للست دي والاضافة اللي اضافتها ودورها الثوري، واتظلمت من كل الناس
وبتستشهدوا بابن تيمية اللي اتهم في عقيدته بسبب بغضه للامام علي واتقدم للمحاكمة، هو انتوا النبي بتاعكم محمد ولا ابن تيمية؟ محمد بيقول له انت مني بمنزلة هارون من موسى الا انه لا نبي بعدي.. بتفهموا عربي؟ الا انه لا نبي بعدي يعني لو أن هناك نبي بعد الرسول لكان الامام علي
كل ده ليه؟ تاااااااااني.. كل ده عشان تحافظوا على عروش سلاطينكم وتحرموا الثورة على الناس
انا عايزة اسألك: هو ليه فيه صحابة واهل بيت وانبيا اصلا؟
ما ربنا يقدر يعرفنا نفسه من غير ما يختار صفوة من خلقه ويتعبهم ويجهدهم بالطريقة دي؟
ربنا اختار انبيا بشر لهم حواريين ولهم صفوة ولهم اصحاب ولهم اهل بيت عشان نقتدي بيهم ويبقوا نبراسنا في الحياة، ونحبهم ونقتفي اثرهم، والرسول قايل: إني تارك فيكم الثقلين، كتاب الله وعترتي. حديث صحيح، وصححه الالباني. ليه قال كتاب الله وعترتي؟ ما كتاب الله كفاية لو اتبعنا منطقكم
لان كتاب الله يحتاج لتأويل بالافعال، وتأويله بالفعل ومنهج الحياة من عترة النبي، عترة النبي هم الامام علي مش معاوية، والحسين مش يزيد، وعمر كان بيتعوذ من معضلة ليس فيها ابا الحسن. لما انتوا بتطلعونا اعداء لاهل البيت واي حد يجيب سيرة باب مدينة العلم ولا سيدنا الحسين (حسين مني وانا من حسين، احب الله من احب حسينا) تقولوا له: انت شيعي ولا ايه؟ يبقى انتوا بتطلعونا ان احنا كفار ونواصب فعلا وان ماحدش مسلم بقى غير الشيعة، لها معنى تاني؟ وكل عملية الارهاب الفكري اللي بتعملوها دي عشان انتوا ضد الثورة، واهل البيت ثوار.. طب نعمل لكم ايه؟ نأيف لكم دين على كيفكم عشان يريح سلاطينكم ويخليكم انتوا تناموا مطمئنين؟ طب انتوا ايفتوه بفلوس امراء الخليج وخرتوا الناس من الملة واضليتوهم ودلستوا عليهم وكمان ادعيتوا ان الرسول دعا لقاتل ابنه.. الرسول حيدعي لقاتل الحسين؟ ده ما كانش قادر يبايع وحشي اللي قتل حمزة وقال له: غيب عني وجهك.. وخلا ابو بكر هو اللي يبايعه، حيدعي لقاتل ابنه؟ ايه الزور والبهتان اللي انتوا عايشين فيه ومعيشين الناس فيه؟ كل ده عشان تخذلوهم وتثبطوهم وترضوهم بالظلم؟
طب انا باقولك ان فطرة الانسان لا تقبل الظلم، واذا كنتوا نجحتوا شوية في انكم تحرموا على الناس الثورة بالدعاوى الباطلة بتاعتكم فالناس مش حتفضل راضية بالظلم كتير، واذا كنتوا حتقولوا لهم ان دينهم بيرضيهم بالظلم غصب عنهم حيكفروا بالدين الظالم ده
اخيرا: انا اول امبارح في خناقة طويلة عريضة مع امي عشان كنت في الحسين وهي بتقول لي حرام.. يعني بوظتوا لي حتى مخ امي وعمالين تقولوا عليها شيعية.. يا ريتها كانت شيعية ارحم من القرف اللي بتكبوه في مخ الناس دهhttp://tl.gd/cjgcab · Reply

شوية غباوة على المساء

عزيزي القارئ 

استحملني شويه ههههه 

فيه حاجتين على الساحة السياسية دلوقتي كل الناس بتتكلم فيهم 

وطبعا الكلام ده جزء منه مترتب 

وجزء منه كمالة الفوضى اللي معيشنا فيها المجلس السمكري 

إيه بقى 

أول حاجة موضوع المواد إلي فوق دستورية أو المواد الحاكمة للدستور أو أي كلام فارغ من النوع دة

المواد إلي طرحها السلمي كويسة مفيهاش مشكلة تذكر من الناس العاديين 

بس المشكلة إن الاسلامين معترضين عليها 

وإلي اكتشفته إن الكلام بتاعهم فيه جزء من المنطق وفيه جزء مش من المنطق 

الجزء إلي فيه المنطق إن المجلس السمكري لو أصدر إعلان دستوري جديد 

فممكن بكرة يطلع إعلان تالت و رابع وخامس 

ودة شئ خطير لإن المجلس ممكن يستحلاها ويحط في الإعلان أي كلام يغير من شكل علاقة الجيش بالشارع 

مبدئياً كدة يا جماعة خلي عندكم شوية ثقة في الشعب 

الناس مش عايزة دم تاني بس مش معنا كدة انها حتقبل حكم عسكري تاني أو حتقبل فساد تاني 

انسى يا عمر 

الخوف الوحيد إن لما الاسلامين يفضلو رافضين الوثيقة نلبس في وثيقة البسطويسي 

وكدة أكيد أكيد يعني يبقى فيه دم تاني 

والمرة ديه الدم حيبقى للركب 

وبعدين لعبة الاسلاميين بقيت مفضوحة قوي

يعني أي وثيقة حينزل فيها المادة التانية زي ماهية 

الشارع حيوافق عليها 

ولو الشارع وافق على وثيقة البسطويسي شكراً رجعنا لحكم العسكر 

وأكيد ساعتها حننزل الشارع 

أنا ضامن على الأقل 500 واحد أنا أعرفهم ماعندهمش مشاكل يموتوا بس ميبقاش فيه حكم عسكري تاني 

وعندنا 1200 قبل كدة 

يبقى كدة قربنا من سوريا يا حلوين 

والناس لم بتشوف دم بتنزل الشارع ومش بيهمها 

اه صحيح حاجة كمان 

إلي حيقولي الناس خلاص كرهت الثورة ومش حينزلو تاني 

حقوله أمك قارعة

ليه بقى 

عشان لحد دلوقتي كل العنف بتاع المجلس 

ضرب وبهدلة وحبس و اتنين ماتو بس مش برصاص الجيش 

وواحد بس مات يوم 9 إبريل ومش عارفين برصاص مين 

يعني الجيش فاهم اللعبة كويس 

لو هما كتير 

مش حضرب

ولو ضربت فمش بنار 

عشان لو ضربت بنار

مدرعاتي بتتحرق زي عربيات الشرطة بالظبط فخلينا نمرمطهم بس ونلم على قد ما نقدر 

وعشان كدة أنا عندي شعور إنه مش حيضرب نار 

وبعدين ولا يضرب ما الشرطة ضربت 
وكلمة في ودنك يا حربية احنا إلي فشخنا الداخلية 

تاني موضوع هو موضوع المحاكمات العسكرية 

المحاكمات العسكرية بلوى سودا وفي رأيي المتواضع إن الناس مستنية رئيس جديد بسرعة عشان العيال ديه تطلع 

بس الصراحة 

العملية بقيت ماسخة أوي 

12 ألف يا كفرة 

ليه ؟

دة انتم مخدتوش أسرى من إسرائيل 12 ألف

وبعدين أسماء تدفع 20 ألف كفالة 

والشهيد ياخد 30 ألف تعويض 

كلمة واحدة إسكندراني اسمها احة ومعها صوت من داخل التجويف الأنفي 

خالي عندكم دم كفاية كدة وطلعو الناس 

ال-12 ألف دول ممكن أصحابهم وعائلاتهم ينزلو الشارع يعني مية ولا ميتين ألف وشكراً يا مؤمنين 

حتلبسو اسود 

عشان كلنا فهمنا خلص إن انتم بتضربو صاحبكم لم نبقى كتير 

وكتير عندكم مش مليون 

كتير عندكم متين ألف 

فلمو الدور عشان متحصلوش صاحبكم 

وأنا شايف إن الناس إلي كنت مع الثورة من الاول وكانو معكم برده قلبو عليكم 

عشان مش عايزين تحلو المشاكل 

ماتشوفو صرفة في الداخلية 

ماتشوفو صرفة في الغلاء إلي كوا الناس 

فكو الكيس شويه 

وشكراً 

اه صحيح نسيت

 يسقط يسقط حكم العسكر 

و متزعلوش لو الناس إلي مخدتش حقها تعمل مليشيات وتاخد حقها بالعافية 

اه تاني 

بتزعلكم  يسقط يسقط حكم العسكر

طيب  يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر

والنبى والنبى والنبى

والنبى والنبى والنبى

ولتاني يوم الصديقة المبدعة بتدي الناس الواطية على دماغهم وتفضحهم 

أنا بنقل الكلام عندي عشان أنا موافق على كل كلمة فيها ولو حد ناوي يعملها حاجة متنسانيش معاك 

كلنا نوارة نجم  

قررت انتهاز فرصة الشهر الكريم للخلود إلى الراحة والعبادة، وربما بعض التفاهة كمشاهدة المسلسلات المملة، والأفلام

 الكوميدية المضحكة من فرط سخافتها، إلا أن فأرا لعب فى عب المبدع «الحراق» أسامة غريب، فاتصل بى معاتبا، ومعبرا عن قلقه بسبب تغيبى عن الكتابة فى الصحيفة، وعن المشاغبة على صفحة التويتر.

والتويتر يا سادة، هو شىء ما، يخالف تماما ما شرحه لكم الأستاذ العزيز جدا، محمود سعد، الذى أكد: أنا ما عنديش تويتر ومش فاهمه، بس حاشرحهولكم. لدى حساب شهير على التويتر، عليه أكثر من 67 ألف متابع، ومع ذلك فأنا لا أراعى ضميرى النضالى على هذا الحساب، فأتحدث بما يجول بخاطرى، وأنطق بكل ما عنّ لى، بل بلغت بى القسوة أن ألعب مع بعض الأصدقاء لعبة «أتوبيس كومبليه» على التويتر.

ظن المبدع الحراق أسامة غريب أن اختفائى يعود إلى المعركة الأخيرة مع المخابرات السعودية على صفحة التويتر. آه.. آه.. المخابرات السعودية.

أبدا والله، كنت أعبر عن نفسى بكل براءة وتلقائية كما هو المعتاد. وكنت أحتفل مع الزملاء على التويتر بالاحتجاجات الإنجليزية، وأمارس بعضا من فك العقد على الإنجليز وأقول: إن الثورة المصرية متحضرة «مش زى الإنجليز الغجر» ثم قلت إننى أود أن أرى الثورة فى الولايات المتحدة الأمريكية، إلا أن حبة قلبى، ونن عينى، ستكون ثورة الجزيرة العربية والحجاز، ثم أردفت: نفسى أبوس شباك النبى. ثم أخذتنى الحماسة: لما الثورة تقوم فى الجزيرة العربية مش حالاقى جاهل يقول لى «ما تقوليش والنبى عشان حرام»، لما الثورة تقوم فى السعودية الستات مش حيتعاملوا زى النجاسة، لما الثورة تقوم فى السعودية حاصلى ورا مقام إبراهيم، لما الثورة تقوم فى السعودية حاصلى فى الروضة بجد مش سجادة خضرا بيضحكوا بيها على الستات، يا رب الثورة تقوم فى السعودية.. نفسى أبوس شباك النبى.

عنها وعاديك، لم تر عينى إلا النور.. بالطبع لم أقرأ كل ما كتب، لأن مجموع الحسابات التى كانت ترد دفاعا عن آل سعود ربما تكون قد وصلت لخمسة آلاف حساب فى ليلة واحدة، ولأنهم لم يجدوا عددا من المتحمسين للهجوم علىّ دفاعا عن آل سعود، فقرروا -كعادة الوهابيين- اللجوء للكذب والتدليس والادعاء بأن «نوارة نجم تسب الرسول».

بالطبع هذا الخوف الهيستيرى إنما ينم عن أن ثورة فى الجزيرة العربية قد تكون فى المخاض، ومما لا شك فيه أن ثورة فى الجزيرة العربية لن تنير العالم العربى ولا الكوكب ولا المجموعة الشمسية فحسب، بل ستنير المجرة بأكملها، وربما المجرات المجاورة، فكل الشر المطلق يأتى من أمراء البترول، بداية من دعم نظام مبارك المنحط، مرورا بحمايته من المحاكمة، وتربية كيان فى مصر يحوى الحيات المتقنعة بالدين، تحرم الثورة على الظالم وتسعى فى إهدار حقوق الشهداء عبر إجبار أهل الضحايا على قبول الدية من القتلة، وتدخلات هذا النظام الشرير فى اليمن لحماية على عبد الله صالح، ومن قبل كانت حماية بن على الطاغية، ثم حماية النظام فى البحرين، بل وتشويه ثورة البحرين بشكل إجرامى متكامل الأركان، ثم التدخل فى سوريا لتحويل ثورة السوريين النقية، الندية، الشعبية إلى صراع طائفى بين سنة وعلويين، وشوف الكيد يا خويا، قررت الكويت بناء ميناء مبارك، ورفض اعتراض العراق على اسم الميناء… لا يكف أمراء البترول، وعلى رأسهم نظام آل سعود، عن إيذاء الناس، ولا يمتلكون رحمة بامرأة ولا فقير ولا مظلوم، حتى بلغ بهم الفجر أن دعوا الله أن ينصر إسرائيل -أهل الكتاب- على رضع لبنان المحترقين لأنهم «روافض»!

كل شريف فى العالم يدعو الله أن تقوم الثورة المنتظرة من أبناء الجزيرة العربية، أحفاد أبى بكر وعمر، إلا أن ما يؤلمنى حقا هو أن الفكر الوهابى انتشر بماله حتى أقنع الناس بالفعل أن كلمة «والنبى» حرام! والنبى ليست حراما، ولمن يريد أن يعلم الحكم الشرعى للتوسل بالنبى فليراجع ابن تيمية الذى يدعى الوهابيون أنهم يقتفون فقهه، أو فليقرأ هذا الحديث الصحيح الذى أخرجه ابن تيمية: أنه علم رجلا أن يدعو فيقول: اللهم إنى أسألك وأتوسل إليك بنبيك نبى الرحمة، يا محمد يا رسول الله إنى أتوسل بك إلى ربى فى حاجتى لتقضى لى، اللهم فشفعه فى.

ولا يمكن أن يصل الجهل بالناس حتى لا يعلموا الفرق بين الحلف والاستحلاف والقسم والتوسل.. ولّا وصل عادى؟

بااااس يا سيدى، وهذا ما حدث على التويتر.

التويتة القاتلة - التحرير

التويتة القاتلة - التحرير

صديقتي العزيزة - اجدع واحدة في مصر - كتبت أحلى كلام قريتوا من 11 فبراير 

نوارة نجم

تويتة تترجم بلغة الحواسيب إلى «تغريدة». تويتة نسبة إلى موقع «تويتر»، وهو موقع اجتماعى، يعتمد على اختصار الفكرة فى 140 كلمة، ويمكنك متابعة «تويتات» الآخرين. المهم يا سيدى بلا هذا الملل، إليك الخبر السعيد: مثلت الناشطة أسماء محفوظ أمام النيابة العسكرية، بتهمة كتابة «تويتة»، وصدر قرار بالإفراج عنها بكفالة 20 ألف جنيه! عشرون ألف جنيه مصرى للإفراج عن مواطنة كتبت خاطرة على موقع من مواقع التفاعل الاجتماعى، ومتى حدث ذلك؟ بعد الثورة التى شاركت فيها أسماء محفوظ منذ اليوم الأول، وكانت تشارك فى كل الوقفات الاحتجاجية السابقة على يوم 25 يناير.
التهمة التى يتم التحقيق فيها مع أسماء هى «التحريض»! طب اركنوا كده، وبما أن جميعنا ينتظر مصير أسماء، فآخد حقى بقى: أى تحريض الذى تتهم به أسماء، واللواء الروينى اعترف بنفسه بأنه المحرض الأول على قتل محمد محسن، وأنه مروج الإشاعات، بل أقر: «أنا اللى باقول الإشاعات اللى بتهدى التحرير وأنا اللى باهيجه». الدم يغرق كفى الروينى وما علمت عن أسماء إلا خيرا، فيتهم الروينى حركة 6 أبريل بالعمالة وينسى إنفاق المعونة الأمريكية حتى على البيادة التى يرتديها، وتقدم أسماء للمحاكمة ويفلت هو بدم محمد محسن على يديه. إنتو نسيتو نفسكم ولا إيه؟
نعم نعم.. أخاطب المجلس العسكرى.. نسيتو نفسكم ولا إييييييههههه؟ وهل كنتم ستصلون لـ«الأملة» التى ترتعون فيها الآن إلا بجهد أسماء ومن هم مثل أسماء؟ حين كان جنرالات القوات المسلحة يقولون للمخلوع وابن المخلوع وزوجة المخلوع: تمام يافندم.. كانت أسماء تقف مع بضعة شباب يحملون لافتات تندد بفساد النظام، ويواجهون جحافل الأمن المركزى، ولولا إصرار الشباب لما فتح الله عليكم، وصرتم أسياد البلاد الآن، تنعمون وتحرمون، تأمرون وتنهون، وقد باضت لكم فى القفص.
حين كان جنرالات القوات المسلحة يجلسون فى التكييف، كانت أسماء ومن هم مثل أسماء يواجهون الخرطوش، والرصاص الحى، والقنابل المسيلة للدموع، وقد هتفت أسماء، ومن هم مثل أسماء، فى تلك اللحظة: «واحد اتنين الجيش المصرى فين؟ الشرطة بتضرب فينا.. عايزين الجيش يحمينا».
ياريت كان اتقطع لسانها ساعتها.
يا للندم.. يا للندم. والله، بعقد الهاء، أننى كنت لحظتها على كوبرى 15 مايو وقلت لهم: بلاش الهتاف ده.. ده جيش مبارك. فهب الجميع مدافعين: «ماتقوليش كده، ده الجيش بتاعنا. فصدقت»، وانفعلت بشدة مع دموع ضباط الجيش الذين أشفقوا عليّا وأنا أسير فى الطريق وقد أغرق دم الشهداء والمصابين ملابسى، صدقناكم جميعا… ياريت كانت الأرض انشقت وبلعتنا ساعتها.
أسماء، ومن هم مثل أسماء. هتفوا: «الجيش والشعب إيد واحدة». أسماء ومن هم مثل أسماء وقفوا يتصدون للبلطجية يوم معركة «الجمل»، بينما الجيش المصرى يفتح الطريق للمعتدين، واحنا عملنا عبط.. بمزاجنا، إلهى كنا انشكينا فى مزاجنا. أسماء ومن هم مثل أسماء صدقوا تعهدات المجلس العسكرى بحماية الثورة وتنفيذ مطالبها، وعادوا لمنازلهم، وناموا، ونمنا جميعا، ثقة فى المجلس العسكرى.. نامت علينا حيطة.. نامت علينا حيطة. أسماء ومن هم مثل أسماء عادوا إلى الشارع مرة أخرى حين شعروا بأن قرطاسا ما يتم قلوظته لوضعهم فيه. أسماء ومن هم مثل أسماء شاركوا فى ثورة سلمية عظيمة.. ياريتها ما كانت سلمية ولا كنا شفنا وش سلمية دى إلهى يقطعها.
أسماء تحاكم بالتحريض لأنها قالت فى تغريدة على موقع «تويتر»: «لو القضاء ماجابش حقنا ماحدش يزعل لو طلعت جماعات مسلحة وعملت سلسلة اغتيالات طالما مافيش قضاء ومافيش قانون».
نعم؟ خير؟ الفتاة تحذر مما حذر ويحذر منه الجميع: إذا لم يتم القصاص العادل فستتحول إلى غابة وسيلجأ الناس إلى القصاص بأنفسهم. فلماذا تحاكم أسماء؟ ولماذا لم يحاكم الروينى حين طلب من «المواطنين الشرفاء» التصدى للمتظاهرين بالمولوتوف والقنابل المسيلة للدموع حتى مات محمد محسن؟ ولماذا لم يحاكم المجلس العسكرى حين أخاف الناس بعد بداية الثورة وادعى -كذبا- أننا مقبلون على مجاعة؟ ولماذا لم يحاكم المسؤول عن صفحة القوات المسلحة على «فيسبوك» -ههههه هم يضحك وهم يبكى- حين شكر المواطنين الشرفاء قتلة محمد محسن فى بيان عسكرى؟ ولماذا لا يحاكم الإعلام المسموم القذر الذى حرض ويحرض على الثورة والثوار ولطخت ألسنتهم النجسة بدماء الشهداء؟ ولماذا لا يحاكم عمر سليمان الذى هددنا باستخدام العنف وبانقلاب عسكرى.. وبمناسبة عمر سليمان، أين ذهبت كل البلاغات التى تم تقديمها فى عمر سليمان متهمة إياه -بالأدلة والوثائق- بالخيانة العظمى؟
يعنى إيه كوك زيرو: يعنى عمر سليمان يبقى عليه قضايا خيانة عظمى، وأسماء محفوظ هى اللى تتحاكم.

سبب رئيسي لية الاسلامين معترضين على المبادىء الحاكمة للدستور

Yehia's Profile · Yehia's Wall

• 

  Yehia Khallaf

  مبادئ ظاهرها فيه الرحمة و باطنها ينضح بالشبهات ، الثورة لازم تستمر

  طرح نص وثيقة المبادئ الأساسية للدستور لجس نبض التيار الاسلامى

  www.tanseerel.com

  مقاومة التنصير

  4 hours ago ·  ·  · Share

  • 2 people like this.
  • • 

      Mohamed Kassem يحيى أنا ضد إن أي حاجة تفرض على الشعب بس عايز أفهم المواد ده إيه عيوبها ؟ ولو نزلت في استفتاء تاني إيه المشكلة ؟ خصوصا إن الاعلان الدستوري الاول برده حصل فيه تغيرات

      4 hours ago · 
    • 

      Mohamed Serag زى ايه اللى فيه شبهات

      3 hours ago · 
    • 

      Yehia Khallaf الشبهة الاولي: اضافة الاحتكام لشرائع غير المسلمين في موقف الندية مع الشريعة الاسلامية في الاحوال الشخصية و الدينية ،رغم تكرار ان المادة الثانية غير قابلة للحذف او الاضافة ، و الاضافة قد تبدو عادية لكنها مثيرة للفتنة مستقبلا لوجود اكثر من مصدر للتشريع دستوريا

      about an hour ago · 
    • 

      Yehia Khallaf الشبهة الثانية: تحظر المادة الرابعة تأسيس الاحزاب بناء علي مرجعية تتعارض مع الحريات التي يضمنها الاعلان ، بما يعني هدم و حل كل الاحزاب ذات المرجعيات الاسلامية يعني الرجوع للخلف

      about an hour ago · 
    • 

      Mohamed Kassem يعني إنت عايز تحاكم الاقباط بقوانين المسلمين ؟؟

      about an hour ago · 
    • 

      Yehia Khallaf لا طبعا لكن قوانين الاحوال الشخصية تظل قوانين تحت مظلة الدستور و لا يعقل رفعها لمرتبة تضمينها داخل مبادئ الدستور

      about an hour ago · 
    • 

      Ahmed Kamal Al Mahallawy بغض النظر عما أريده, ولكن مجلس الشعب هو الذى يصدر القوانين

      about an hour ago · 
    • 

      Yehia Khallaf و الشريعة الاسلامية تكفل ضمانة اقرار القوانين الخاصة بغير المسلمين لكن اشراكها بشرائع اخري يفتح الباب للعبث بكل القوانين

      about an hour ago · 
    • 

      Mohamed Kassem عبث إزاي ادينا مثل يعني بلاش كلام عايم . عشان عايز اقولك حاجة أنا شايف إن ده آخر فرصة لسياسين البلد إنهم يتفقوا كلهم على حاجة متزعلشي حد غير كده الناس حتكفر بالحكم والمعارضة والسياسيين اخوان وسلف وليبراليين ويساريين وكفار ومؤمنين وكل اللي في الصورة

      about an hour ago · 
    • 

      Yehia Khallaf المادة العاشرة تحظر التمييز بين المواطنين مع جواز اقرار بعض المزايا لبعض الفئات التي تستدعي الحماية ؟؟؟؟؟؟؟؟؟؟؟

      about an hour ago · 
    • 

      Mohamed Kassem يعني لما يبقى عندك رئيس جمهورية مش حتعملوا حراسة خاصة ؟ مش حتجيبله عربية ؟ مش حتعملوا مكتب ؟ ولما يبقى عندك نائب في المجلس مش حاتصرف عليه ؟ لما يبقى عندك ازهر حر مش حتعمل حماية للشيخ بتاعو؟

      58 minutes ago · 
    • 

      Yehia Khallaf مثال: الشريعة الاسلامية تمنع التبني ان ينسب الطفل لغير اباه بينما تجيز الكنيسة الحاق الطفل المتبني بأب مسيحي يرثه و يحمل اسمه ،يعني ببساطة تنصير كل اطفال الشوارع و مجهولي النسب

      58 minutes ago · 
    • 

      Mohamed Kassem السؤال إنت عندك حال لمشكلة اطفال الشوارع ؟ يعني إنت كمسلم لو مش عارف تحل مشكلتهم يبقى تسيب اللي بيعرف !! حتى لو ده غلط إنما أكيد مش الصح إنك ترميهم في الشارع . إيه الحل عندك ؟ وده برده يبقى قانون مش دستور

      56 minutes ago · 
    • 

      Yehia Khallaf حماية المسئولين ده امر بديهي لكن وضع مبدأ دستوري لحماية بعض الفئات دون توصيفهم اعتقد انه مبدأ عنصري اذا جاز التعبير

      56 minutes ago · 
    • 

      Mohamed Kassem طيب يبقى الناس تطلب توصيفهم مش نقول لأ لأ وخلاص أنا معاك إن الليبراليين ولاد ستين كلب بس مبرده التيار الإسلامي فيه فضايح سودا وكفاية فالوتة لازم الناس تتكلم مع بعد يا يحيى مش الحل إننا نستقوى بالعسكر لابد للأعزل ان يثق في الأعزل

      54 minutes ago · 
    • 

      Mohamed Kassem اللي معاه السلاح هو اللي حيكسب والجزاير مش بعيده عننا وسيناريو 54 برده مش بعيد

      53 minutes ago · 
    • 

      Yehia Khallaf انا معاك ان اللي يقدر يحل مشكلة اطفال الشوارع حلال عليه لكن شعور المسلم بأن ابناء المسلمين قد يتم تنصيرهم قانونيا قد يفتح نار الفتنة

      53 minutes ago · 
    • 

      Yehia Khallaf مشكلة تانية ان غير المسلمين يشمل البهائيين و اليهود و النصاري و عب

      51 minutes ago · 
    • 

      Mohamed Kassem وعشان كده لازم احنا اللي ناخد خطوة الحل أولا. أنا بصراحة مش فارق معايا ولا دستور ولا مواد دستورية أنا أهم حاجة عايز العسكر يرجعوا بيوتهم تاني وبسرعة وبعد كده أي واحد حيحكم حنعرف نتعامل معاه . عندنا 12 ألف حكم عسكري على شباب زي الورد

      51 minutes ago ·  ·  1 person
    • 

      Mohamed Kassem لأ البهائية مش معترف بيها . وبعدين يا يحيى من شاء فليؤمن ومن شاء فليكفر هو الإسلام فارق معاه الناس ده كلها. أهم حاجة تبقى دولة لا عسكرية غير كده والله مش فارقة لإن نغيرها لو طلعت غلط بس المهم ماحدش يركب بالسلاح عشان ساعتها حيدلدل رجليه من فوق الناس كلها

      49 minutes ago · 
    • 

      Yehia Khallaf علي العموم حتي لو كان مقترح المبادئ الاساسية مقبول لازم يعرض علي الشعب لان الشعب وحده هو صاحب القرار لكن تمريره من تحت لتحت في الغرف المغلقة لاصحاب الياقات البيضاء امر مرفوض و غير وارد السكوت عليه

      48 minutes ago ·  ·  1 person
    • 

      Mohamed Kassem آه طبعا ولو رفضوا حننزل كلنا تاني. بس برده لازم الإسلاميين يتناقشوا مع الباقيين عشان الحاجات اللي مش عاجباهم تتغير دلوقتي عشان الناس ساعتها حتقول لو قلت لأ يبقى إنت مش عايز المادة التانية وده في منتهى الخطورة

      46 minutes ago · 
    • 

      Mohamed Serag كلامك يعنى رفض مواد معينة مش رفض الفكرة اذا المفروض المبادئ تتناقش مش رفضها حتى من قبل اعلانها

      23 minutes ago · 
    • 

      Mohamed Serag وبعدين عشان ماتقولش الشعب هو اللى يختار لو المواد دى طرحت ف استفتاء يبقى الموافقة علها او رفضها قرار من الشعب

      20 minutes ago ·