إنسان

الجمعة 25 مايو الفجر بدايات سماع النتيجة , ترقب , توتر ربما لم اشعر به سابقا في حياتي , حتى و انا في انتظار نتيجة الثانوية العامة او حتى و انا في اتبظار نتيجة مقابلات عمل اجريتها في شركات يحلم بها البعض

صوتي كان لأبوالفتوح و ده مكانش لأنه بطل العالم لاني انا اصلا مش من المقتنعين ان الناس اللي بتشتغل سياسة دول ممكن يبقى فيهم بطل للعالم نظرية انه لو كان اذكى من كده كان عمل حاجة افيد من السياسة

المهم ابتديت احس ان ابوالفتوح برة و شفيق شكله في الاعادة و كان اول رد فعل سحقا يا اخوان يعني يا انتم يا شفيق طب شفيق بقى .. ابوة سمعتوها صح و بعدين نمت و صحيت على معاد صلاة الجمعة . صليت و روحت شربت قهوة و بهدوء كده جبت ورقة و قلم و ابتديت اذاكر

اذاكر زي اي مشروع عملته في الشغل , جدول و مقارنات ايه كويس و ايه وحش ... بحاول ابقى عقلاني مش عشان انا اقنع نفسي لأ عشان اقنع الباقيين فأنا ضميري بيقولي شفيق لازم يعدم مش يبقى رئيس بس طبعا لازم نستعد فلدينا اقوى جهاز مخابرات في الدنيا يفشل في العثور على دورية تايهة في الصحراء و يفشل في معرفة الطرف التالت ان لم يكن هو بنفسة الطرف التالت و ينجح في خلق الخوف و صناعة الخوف .... عن نفسي فقدت الخوف منذ موقعة البالون و قتلت الخوف في محمد محمود و قتلت الروح و الشعور في مجلس الوزراء فلم اعد اقيم وزنا لأي من كان و لا انسى هجوم فريق المظالات علينا و نحن عزل في مجلس الوزراء و تصدينا لهم و مازال صوت تلك الفتاة التي تهتف في الصفوف الامامية وحيدة حي على الجهاد حي على الجهاد و يختلط صوتها بصوت طلقات المدفع الالي و مع ذلك اسمعه بوضوح و اتذكر موقعة ماسبيرو و جثث الابرياء محطمة الجماجم و نداء ايد واحدة و التحام المسلمين و الاقباط في مواجهة الشرطة العسكرية

صناعة الخوف تنجح مع من لم يرى الدماء و لكن القلوب التي رأت الموت و تدرك ان المعركة ليست مع شفيق ولا طنطاوي ولكنها مازالت مع مبارك ممثل الصهاينة في مصر المصدر للغاز و القاضي على كل امل في حياة كريمة

لن تنجحوا في جعلي اخاف من اخا وقف بجانبي في الميدان و لو البستموه البلوفر سحقا لكم

المقارنة بين الطرفين اثبتت بما لا يدع اي نوع من الشك فشل شفيق التام في كل شيء و ما اعجب له انه حتى في ظل تلك الظروف هو فاشل في القمع يعني سينتخبه البعض رغبة في قمع التيار الاسلامي و قمع شباب الثورة .. هيهات هذا الرجل فاشل فاشل فاشل

ليس لديه برنامج و ليس لديه مخطط ولا يستطيع الكلام حتى , مش مركز و مش فاهم حاجة و بيستقبل الميدان في بيته على اساس ان الميدان هو 15 فرد

شفيق جوز طنطاوي كما قال بنفسه هو مثال للفاشية العسكرية الديكتاتورية المحتقر لشعب بذل الكثير ليكون لدية قائد قوات جوية شاطر فاصبح لديه شفيق قتل و اتقتل

انا نازل انتخب عشان اسقط شفيق لان مكانه في السجن مش في احسن وظيفة في مصر

مش حقف مع اللي بعت الناس تموتني في الميدان لا حقف مع اللي كان معايا في الميدان

الخميس، 31 مايو 2012