السؤال الي بيطرح نفسة و هل ياترى مصر فيها مطربين وطنيين ؟
ولا كلهم كلاب حكومة ؟
انا عن نفسي مش عارف
طيب لو فيهم وطنيين
ممكن حد فيهم يلم 50 الف مواطن زي اللي راحو لعمرو دياب امبارح و يطلع بيهم على مصر الجديدة و يقولوا للرئيس كفاية
خنقتونا
بصراحة انا مستغرب
هي الناس مالها بقت تافهة كدة ليه
ليه محدش فيهم حطط لنفسه هدف و مش بيفكر الا فيه
هو ممكن يكون في هدف اسمى ولا احسن ان مصر تتحرر
بلدكم تتحرر
ايوة بلدكم محتلة
متعرفوش ولا اية
بلدكم بقالها 50 سنة محكومة بدون شرعية
و محدش يقواي شرعية الثورة عشان دة انقلاب عسكري مش ثورة و الدليل ان اللي عملوة الضباط من غير الشعب
و مش دي القضية
ركزوا بس شوية
سيبكم من التاريخ و اية اللي حصل
المهم دلوقتي حاجة واحدة
ازاي نختار اللي يحكمنا
ازاي نختار حكومتنا بنفسنا
ازاي نوكل ناس تشرع لينا القوانين اللي تحمينا و تجيب لشعبنا حقه
بكرة الساعه 1 الظهر حنقف كلنا عند النائب العام
تعالوا معانا
مش عشانا
عشانكوا
