تحديث
أمن الدولة
أمن الدولة
أمن الدولة
, وزير الداخلية لازم يمشي
أنا واحد من الناس اللي دايما بتحب تشوف وضعها إيه في أي مشروع ويمكن ده بطبيعة شغلي
أمن الدولة
أمن الدولة
أمن الدولة
, وزير الداخلية لازم يمشي
أنا واحد من الناس اللي دايما بتحب تشوف وضعها إيه في أي مشروع ويمكن ده بطبيعة شغلي
لازم كده اقف مع نفسي أشوف أنا فين مشروعي اخباره إيه صرفناكام وفاضل كام وأخبار الانجاز إيه كام في المية
حاجة من الحاجات اللي الواحد اتعلمها إن المشاريع دايما بتوصل ل 98 في المية وتقف عند كده
الناس بتتعب ومش بتعرف تكمل وبتبقى شايفة إن 2 في المية دول دلع مش لازم يعني ماخلاص كفاية كده
فـالواحد بقى ساعتها لازم يزق العجلة كلها بالعافية عشان المشروع ينجح
ده نفس اللي احنا فيه في مصر
بعد 25 يناير ولحد اللي حصل امبارح لما الناس اللي زي الفل بتوع الجيش طلعوا مع منى الشاذلي
طيب عشان ماحدش يزهق
احنا فين ؟
- حسني مبارك غر في داهية
- جمال مبارك غار في داهية برده
- مجلس الشعب غار في داهية
- مجلس الشورى غار في داهية
- بعض الوزراء اللي ماكانش لهم لازمة في داهية برده
- الحزب الوطني بخ
- الشرطة شافت العين الحمرا
طيب هو ده كفاية
طبعا لأ
ليه
عشان التالي
- الحزب الوطني بخ بس كل قياداته لسة صاحيين وبيحاربو الجيش والشعب
- جمال مبارك لسة بيحارب الجيش والشعب
- أعضاء المجلس المزورة اللي صرفوا مالا يقل عن مليار ومخدوش حاجة برده بيحاربوا الجيش والشعب
- في مجموعة من الوزراء لسة بيحاربوا زي بتاع الداخلية وبتاع الخارجية مثلا
- أمن الدولة لسة بيلعب وبيعمل فتنة وبيعمل مشاكل وبيحاول لإنه أكتر واحد حيتبهدل
- رجالة الشرطة الفاسدين برده مش حيهدوا الدنيا عشان مش حيرجعوا يعيشوا بـ 2000 جنيه
- فيه مالايقل عن 2 مليون منتفع من الحزب الوطني والفساد اللي كان موجود قبل كده مش حيسكتوا
أنا شايف التالي بقى
أولا
شباب الأحزاب روحه نظفوا احزابكم بسرعة اجمعوا توقيعات وأعضاء وشيلوا الناس الزبالة واختاره ناس كويسة
احنا في 18 يوم شلنا حسني يعني الأحزاب ده عايزة يومين تركيز بس
احنا عندنا حوالي 3 احزاب ليبرالية
وزيهم يساري
ده غير الوسط الجديد
مش محتاجين غير كده
عشان بعد كده تعرفه تبتده حملات دعاية للأحزاب ده
ومتنسوش حاجة مهمة دلوقتي معانا اعلام يعني اللي كنا بنحاول نعمله في سنين ممكن يتعمل في ساعة
وأكبر دليل لقاء وائل غنيم مع منى
الموظفين في الشركات
نظفوا شركاتكم بس من غير تخريب ومن غير ماالإنتاج يتأثر
نظفوا نقاباتكم كل شركة تعمل نقابة جديدةوتختار ممثلين وشيلوا اللي كانوا زمان بيسرقوكم أو يبيعوكم للحكومة
مفيش حد حيقف أدامكم
الناس اللي بقى كانت سلبية
لو سمحتوا كفاية سلبية
البلد دلوقتي بتاعتنا مش بتاعت غيرنا
دورو على احزاب تمسلكم وانضموا ليها واتبرعوا ليها و ساعدوها
كل ده أنا مجبتش سيرة النظام القديم
عارفين ليه
عشان أنا واثق مليون في المية إن الجيش حيتصرف معاه
عشان حاجات كتير قوي
اولا
متنسوش إن الجيش ماكانش مبسوط أيام حسني
متنسوش إن احنا أكتر ناس عايزة الجيش بتعنا يبقى أحسن جيش في العالم
متنسوش إن الجيش وقف معانا ومازال
هو اللي عمله دلوقتي إنه محاجم أمن الدولة
وبيشوف يعمل مع الفاسدين إيه
وده مش حاجة تخلص في ساعة
بس حتخلص
الناس معانا وعايزينا نساعدهم
نعمل اللي علينا
إننا نحضر للمستقبل
والمستقبل
بيقول الأحزاب
خلونا ننضف الأحزاب
أنا حكمل تاني بس بعدين
