البداية كانت منذ أكثر من خمس سنوات إبان الانتخابات الرئاسية السابقة عندما كان هناك أيمن نور ونعمان جمعة وبقي السبع مرشحين الآخرين يومها قررت إن أنزل لأذهب كي أدلي بصوتي كي احرم حسني من هذا الصوت
هل كان ذلك بناءي على كراهية ؟
نعم ولن اخجل من قولها فقد كنت ولازلت أرى ذلك الرجل الشيطان الذي أذل الإسلام والمسلمون
أول من صرح بالإرهاب الإسلامي مع انه أول من استغله
وأول من استطاع آن يضحك على المصريين ويصور لهم إنهم حمقى وأغبياء
بالإضافة إلى ذلك أول من استطاع ان يكسر عين المصريين العاملين بالخارج
أما الطامة الكبرى فهو قد نجح نجاحا باهرا ان يخرج أسوأ مافينا وأن يشعرنا اننا أسوأ أهل الأرض
ذهبت ذلك اليوم لأدلي بصوتي وكان عمري 25 عاما وليتك ترى الذل الذي رأيناه ومكان الظباط يقولونه لنا ياجماعة اطمنوا خلاص الرئيس حسني نجح ولم تكون الساعة تجاوزت الحادية عشر
المهم بعد تلك الأحداث تم القبض على أيمن نور وأنا صراحة لا اعرف الرجل ولا اثق فيه ولكني اثق إنه لن يكون هناك أسوأ من حسني مبارك
وبدأت نوبة الاكتئاب لقد حصل أيمن نور على مايزيد عن 500 ألف صوت انتخابي وواضح وضوح الشمس إن القضية ملفقة وعلى الرغم من ال 500 ألف صوت فلم أسمع لأحد صوتا الهم إلى البطلة العظيمة جميلة ايسماعيل والتي أظن إن لو تزوجها شخصا له معدل ذكاء يزيد عن ال 140 فسيحكم العالم
المهم بعد فترة ظهر الفاسبوك وبدأت اتواصل مع اصدقائي وزملائي في العمل واكتشفت أول مصيبة دفعتي في المدرسة وفي الجامعة اكثرهم 80% مثلا خارج مصر
يا نهار اسود
أُمّال من اللي حيبني مصر ؟ لما شباب المهندسين كلهم يسافروا وخصوصا اللي في أمل في امكانيتهم من اللي حيبني البلد ده ؟
ثم خذ عندك بقى
حادثة قطار الصعيد وسلسلة حوادث القطارات ثم حوادث العبارات ثم الإكتشاف المذهل إن مصر هي أكتر دولة يحدث بها حوادث سيارات في العالم
زيد على ذلك انتخابات مزورة حرامية بيشتغلونا ويقولولنا كلام فارغ كإن الشعب عنده 3 سنين وبعد كده كل كلام الإدارة إنهم بيدعموا الشعب بفلوس كتير كانهم دافعين الفلوس من جيبهم معلش يعني ده ملهاش إلى كلمة واحدة اسكندراني ابيحة شوية احا
دعم إيه ونيلة إيه يا معفنين يا ده أنتم عيشتم كلكم عيشة مفيش واحد في اهاليكم عاشها وعلى حسابنا احنا من فلوسي أنا شخصيا وشايفكم وعارف القرف اللي بيحصل وعارف إن عاطف عبيط كان مرتشي عشان اشتريتله رشوة قبل كده
اشتريتله عربية بنص مليون جنيه عشان الهنود كانوا بيحاولوا يحولوا المصنع بتاعهم ل منطقة حرة خاصة فـجابوله عربية بنص مليون جنيه هدية وبعدها بكام شهر بقوا منطقة حرة خاصة بدل ماكانوا بيدفعوا 22 مليون جنيه ضرايب على الاقل بقوا يدفعه 2 مليون بس في السنة - حلوة الصفقة ده طبعا
المهم بعد ماالفاسبوك ظهر بقت أكتب كل اللي في نفسي ولا هاممني لحد ما في وقت من الاوقات قررت أعمل حاجة جديدة بقيت بحسب فاضل كام يوم على خروج أيمن نور اللي كان الصراحة محسسني إني مش راجل عشان معملتسي أي حاجة عشان يطلع من السجن وأنا كنت مديله صوتي بغض النظر عن إني مش بحبه ولا بطيقو بس كان عيب يعني يا جماعة أنا أصْلي عربي برده يعني ليَّ كلمة ومينفعشي اوعد حاج أو اتفق معاه على حاجة و أرجع فيها
الفترة ده ابتديت كمان ابطال اصلي بإنتظام عشان كنت كل مااقف قدام ربنا احس إني نجس كلب زي زي أي كلب في الشارع ماليش كلمة وساكت عن الحق ومش باعمل حاجة بتقف قدام ربنا بصفتك إيه راجل ولا ست ولا إيه ؟؟
بعد فترة ابتديت التهديدات وابتديت قفلت الفاسبوك لمدة شهرين .. أنا برده من الناس المقتنعة إن الشطارة مش في إنك تتحبس الشطارة إنك توصل للناس وتقولهم الحقيقة أو على الاقل تخليهم يدوروا عليها فـخفيت شوية من الكلام و شيلت الناس اللي معرفهمشي من الاصدقاء ورحت فاتح الفاسبوك مرة تانية
وابتديت تاني والعن من الاول بس على نطاق الناس اللي أنا عارفهم كويس
بعد شوية حصلت حادثة خالد سعيد وخالد أنا معرفوش بس طلع قريبي من بعيد شوية بس عمه مثلا ساكن معايا في العمارة يوم حادثة خالد في حاجات كتير جوايا اتغيرت حسيت إن خلاص مفيش حاجة اسمها أمان وإن لازم أنسى الكلمة دي وإن لو لاقدر الله اضطريت إن اصطدم مع الشرطة فـأولا أنا مش حخليهم يقبضوا عالية وثانيا لو اتزنقت ومش عارف اهرب فـأنا لازم ابقى عامل حسبي إني اموت واخد معايا 5 أو 6 منهم في السكة وخلاص بقيت الحسبة مش قلمين في قسم شرطة وشوية بهدلة لأ الحسبة فيها موت والموت مفيهوش ياما ارحمني لأ حموت وحيموتوا معايا وبعدين دول إيه ده شوية عيال بتفق الخط بالعافية وإنت راجل متعلم كويس قوي
ابتديت اتابع صفحة خالد سعيد وشفته وهو بيسخن الناس تنزل الشارع في وقفات سلمية ومنزلتش ولا واحدة عشان كنت عارف إنه بيحاول يخلي اللي خايف ينزل وأنا قتلت حتت الخوف ده جوايا
طبعا خد عندك بقى حوادث من اللي بقيت عادي مصري يتهان في لبنان ومفيش حاجة
غزة يطلع ميتين ابوهم وعادي وجدار عزل وبرده عادي وناس واطفال بتموت واحنا بنتفرج وعادي جدا إيه يا محمد احنا مالنا وماتش مرة نخسر بسببه دولة شقيقة وعادي ونطلع غلطانين وعادي جدا كلمة ابيحة تاني احا
هو في إيه هو إنت بتعمل فينا كل ده ليه يا ابن الكلب إنت
كل كلامي مع الناس اللي حواليا يجيب إحباط بس أنا مصمم و قررت إني اقدم على ورق الهجرة لكندا و أستنى لحد 2012 إذا جمال بقى الرئيس أنا حقاطع الباسبورت في مطار مونتريال ومش راجع مصر تاني ومش عايز أبقى مصري أنا حوجع دماغي ليه عيالي أولى
بس في نفس الوقت قررت إني حاعمل أي حاجة طول ماأنا في مصر ومش حيهمني حد مخلاص بطفشوني من البلد عايزين إيه تاني مالكش دعوة بيا
يوم 14 نوفمبر كتبت على الفاسبوك فيه حد يا جماعة عايز يعمل أي حاجة للبلد ومن ال 430 صديق واحد بس اللي بعتلي والي أنا معاك طبعا إحباط كمان بس برده مش حاسكت
ابتديت تونس يوم 15 أو 16 ديسمبر وابتديت أتابع كل حاجة بتحصل في تونس بالتفصيل الممل وماحدش عندي في البيت فاهم في إيه مالنا بتونس وأنا أقولهم إحنا بعد تونس يبوصولي ويضحكوا
14 يناير رحل الجبان وابتديت بقى أعمل شغل ثاني
نكمله بكرة J
