طارق عبد اللطيف
مهندس مصري
بيشتغل في مجال البترول
في شركة متعددة الجنسيات
كان مقدم على هجرة كندا
و نزل المظاهرات لأنة كان نفسة بلدة تبقى حلوة و مفقدش الأمل في ربنا
هو ده البطل
اشمعنى طارق
عشان و انى بقرأ قصة طارق كأني باصص في المرايا
بس اكيد طارق ربنا بيحبة اكتر مني لأنة قبلة كشهيد
و انا لأ
طارق فداني و فدا ولادي و فدى اهلي كلهم
و لسة حسني في شارم الشيخ
و لسة صفوت الشريف بيتفسح
و لسة جمال مبارك بيدلع
و لسة فتحي سرور بيتكلم مع شباب الفيس بوك
و لسة زكريا عزمي عايش في القطامية هايتس
طيب و بعدين
انا دم الشهداء بيحرق قلبي
عدالة متأخرة هي عدالة منقوصة و زائفة
طارق اعطى لبلدي اكتر من اي حد تاني
و طارق شايف صورتة جوه عينيا كاني لابس عدسات فيها صورتة
مش حقوللك معلش ياطارق ولا اصبر
مش حقوللك اسف
عشان ياحجيب حقك
ياحجيلك عندك
مش حسيبك يا طارق ولا حسيب حقك ولا حسكت علية
