طيب مبدئيا كده
المجلس أو الجيش أو أي حد بيحكم مصر أو حيحكم مصر أو بيفكر يحكم مصر
إنت مش ربنا ولا إنت الرسول ولا إنت أي حاجة
إنت شغال عند الشعب
وبتقبض مرتبك وبتركب عربية وبتاكل وتشرب من فلوسنا
فـمتنساش نفسك
ده مبدئيا كده
نراجع ونشوف بقى كل اللي حصل وبيحصل
أول سؤال
هو حسني امر المجلس العسكري إنه يموتنا في التحرير ولا لأ ؟؟
المجلس قال آه والمشير قال الكلام ده في حفلة الشباب بتاع الشرطة الجديد
طيب ليه حسني لسة مستنيين عليه ده كله ؟؟
هو مش أنتم 20 ولا 30 واحد
شهود ولا مش شهود ؟
مش ده تحريض على القتل ؟
ولا كان بيهزر معاكم؟
ليه الموقف المايع ده ؟
ليه مش بتقولوا الكلام ده قدام النائب العام؟
نيجي لتاني سؤال
أنتم مع الثورة زي مابتقولوا ولا لأ ؟
أصل لو مع الثورة يحيى الجمال بيعمل معاكم إيه ؟
وزير الكهربا بيعمل إيه ؟
سامح فهمي فين ؟
منير ثابت أخو سوزان ثابت فين ؟
عمر سليمان فين ؟
مش عمر سليمان هو اللي حرب محمد رشيد ؟
بيعمل إيه بره السجن ؟
تالت سؤال
أنتم جيش قوي ؟
جامدين يعني ؟
عندكم سلاح وعارفين كل حاجة في البلد ؟
طيب إيه
ده هم كلهم 20 شيخ بيحرضوا على الفتنة و5 كناييس مش عارفين تاخده بالكم منهم ؟
وإيه موضوع الفقر وسنينه ؟
أنتم عايزين الناس تكره الثورة وبتقولوا في أرقام مضروبة ؟
أنتم ناسيين إن الجيل اللي طير حسني اللي كنت بتبوسوا ايده زمان هو الجيل ده ؟
حتكسبه إيه لما تعيشوا الناس في قلق؟
وبعدين فين السولار ؟
مش عارفين
ده الو ل أي شركة بترول من الي بتوزعلكم موبيل ولا شل ولا توتال ويكون عندكم بدل المركب 10
رابع سؤال
احنا على فكرة مش شحاتين وناس عندنا كرامة
ولما قلنا حنمشي حسني ماكانش فيه حد لا مدينة اجندة ولا سيبلنا فلوس
جتكم نيلة كلكم دقته العز على كبر
بتشحتو من السعودية ليه ؟؟
وماأنتم عارفين إن حسني شايل الفلوس عن ملك السعودية هو وبتاع الامارات ولا عاملين مش عارفين ؟
اديكم عرفتم
احيح خامس سؤال
يعني إيه ظابط ولا مسئول في الدولة يقول ل مواطن انزل على ركبك ؟
فاكرينهم جايين يتربوا ؟
العيال ده أشرف منكم عشان العيال اللي مش عاجبكم ده رفضوا يطلعوا كارنيه الحزب الوطني ويمشوا ورا حسني وزكريا والعالم الزبالة ده وأنتم كنتم ساكتين
آه وقفتوا معانا .. مردتش تموتونا
أي نعم كل حتت سلاح عندكم دفعني فيها من عراقنا وتعبنا ومجهودنا
بس ده مش معناه إننا نسيبلكم البلد
احنا كنا ناويين الصراحة نعمل معاكم واجب
بس لما تفشلوا في السيطرة على شوية شيوخ وقساوسة وظباط أمن دولة يبقى بتهرجوا
خلصوا نفسكم قبل 27 مايو
حسني منفعتوش الناس اللي بتحبه
وكفاية عليكم كده
آه صحيح
أنتم عملتم تحقيقات في موضوع الكشف عن البنات في المتحف ؟؟
اصلنا مستنيين النتيجة يا عم الحاج إنت وهو
