جرا ايه يا
جيل الثورة مشيتوا مبارك و العسكر و فضحتم الاخوان و السلفيين و تجار الدين و كل
ده و انتم لسه بتسخنوا في الملعب … انشفوا و اصمدوا
يا جيل
الثورة يا معلم الحكام الادب في كل مكان يا مخاوفين الدبابة و المدرعة يالي طحنتوا
العادلي في ست ساعات و غيرتوا شكل الدنيا
جيلنا و
الكبار مشيوا جوا الحيط .. اديتونا الامل و رديتوا فينا الروح .. و بقينا نتفس
حرية بسببكم كملوا و اطحنوا الاوغاد ده كلها كام ساعة
يا جيل
بيشرب شاي في وسط الضرب و يمسك ايد صاحبته و هو داخل على الكوردون و يفرم الاوغاد
ما تنسوش فضلكم على العباد
ما تنسوش فضلكم على العباد
يا جيل
علمنا المقاومة و الصمود يا جيل حيحرر قدس من اليهود
يا جيل بيسحل الخيال و يحقق المحال و ينشر الحب و الحرية
اصمدوا و اثبتوا بكرة ليكم
يا جيل بيسحل الخيال و يحقق المحال و ينشر الحب و الحرية
اصمدوا و اثبتوا بكرة ليكم
يا جيل
بناته وقفه على الكردون
تسحب وراها رجالة مش بدقون
تزعق و تصرخ بأعلى صوت في الكون
تسحب وراها رجالة مش بدقون
تزعق و تصرخ بأعلى صوت في الكون
بناتك يا
مصر مش زي اي بنات
بناتك يا مصر مش قابله تاني سكات
بناتك يا مصر مش قابله تاني سكات
يا جيل
معلم في الجبال علامات
نافر و غاضب مش راضي باللي فات
ناوي يغير مهما منه مات
نافر و غاضب مش راضي باللي فات
ناوي يغير مهما منه مات
يا جيل
معلم الدنيا نهاية الطاغوت
يا جيل بيرفض ان غيره يموت
يا جيل مأدب الي جي و اللي فات
اصمد و حارب و الله هانت
انتم الامل و بكرة ليكم
يا جيل بيرفض ان غيره يموت
يا جيل مأدب الي جي و اللي فات
اصمد و حارب و الله هانت
انتم الامل و بكرة ليكم
بكرة ليكم
مش لينا
بكرة احلى
بكرة ده بتعملوه دلوقت
بكرة ده بتلونوه دلوقت
دم الشهيد في رقبتنا و رقابيكم
بكرة احلى
بكرة ده بتعملوه دلوقت
بكرة ده بتلونوه دلوقت
دم الشهيد في رقبتنا و رقابيكم
دم الشهيد بيقول ما تنسوني
محمد قاسم
16.01.2013
