ارفعوا الغطاء السياسي عن العنف.
سوف نرفع الدعم عن المحروقات و سيكون نصيب كل مواطن 5 ليترات يوميا
للسيارات الاقل من 1400 سي سي.
سيتاح للفرد عدد 3 ارغفة يوميا فلم تعد الدولة قادرة على دعم رغيف العيش.
الدعم كان رشوة من النظام السابق للمواطن و لن نستمر فيه.
نريد قرض البنك الدولي فقط لنثبت للمستثمرين اننا اصحاب اقتصاد مستقر و من
اجل جذب رؤوس الاموال.
لابد من اسقاط الدستور المستبد الذي يدعم الدولة الدينية.
جبهة الخراب الوطني.
انت علماني ليبرالي كافر.
هو انت مش من الاناركيين؟ مش انتم اللي عايزين تخربوا الوطن؟
مرسي زعيم الثورة و قائد الامة الخليفة المؤيد من الله, حفيد عمر بن
الخطاب.
انتم لا تقبلوا الديموقراطية, مرسي رئيس منتخب.
ليس لديكم مكان في الشارع و الشعب كرهكم و موتوا بغيظكم.
طفل لا يتجاوز الثانية عشر يرتدي شورت اخضر و يقفذ في النيل حتى يهاجم قوات
الامن المركزي المتمركز في كورنيش النيل و يقوم بقذفهم بالحجارة و عندما يقومون
بالرد عليه يقفذ مرة اخرى في النيل, حدث هذا في السادس و العشرين من يناير 2013 ,
نعم حيث درجة الحرارة لا تتجاوز الاثنتي عشر درجة.
مين اللي بيضرب في التحرير و الاتحادية؟
الاشباح
ايوة دول التراس يعني؟
لأ دول الاشباح, اشرس من الالتراس و اشد قوة و غير منظمين و ليس لديهم رأس
و ميعرفوش بعض
دول البلاك بلوك؟ طيب مين البلاك بلوك؟ اصحابك و مش عايز تقول, صح؟ مش انت
من بتوع الثورة؟ طيب هم جابوا سلاح منين؟ طيب انت المؤسس بتاعهم؟ هم عايزين ايه؟
لأ, دول الاشباح , اقوى من البلاك بلوك و اقوى من فرقة 777 و اشد عزما من
رجال المارينز و رجل الصاعقة مجتمعين
ايوة يعني تعرفهم؟ -لأ
لازم ترفعوا الغطاء السياسي عن العنف يا جبهة الخراب ...
ايوة اللي هو ايه يعني؟ نسيب مرسي يموت الناس في الشارع مثلا و نسكت او
نغمي اعينا؟ ولا نتوقف عن فضح ممارسات الداخلية القذرة؟ ايه المطلوب جيبوا من
الاخر... ارفعوا الغطاء .. اللي هو مين يعني ؟
الاشباح حرقوا مدرعتين و اخذوا لواء امن مركزي اسير في 4 دقائق ... البلاك
بلوك و من على شاكلتهم يناوشوا الداخلية منذ 10 ايام و لم يحققوا ربع ده... اؤمن
بفضل الاشباح في الثورة و اؤمن بقدرتهم على ردع المستبد و اعلم ان اعدادهم تتجاوز
الملايين و لكنهم لم يرضوا بعد عن الميدان و لم يرضوا بعد عن المطالب و لم يقرروا
سقوط مرسي بعد...
لو قرر الاشباح اسقاط مرسي لن يستمر في الحكم 4 ساعات ... اقسم بالله هذا
حق ... لن نتفعه جماعة ولا جماعات ... لن ينفعه السيسي ولا اوباما... اسقط الاشباح
حبيب العادلي في اقل من 4 ساعات...
لو خرج الاشباح لن تقف امامهم دولة ولا فصيل...
متى سيخرجون؟ لا اعلم ولكني واثق من خروجهم قريبا... لن يقبلوا بما يحدث من
الداخلية و لن يتركوها تعبث في الشوارع مرة اخرى ... هم يعلمون قوتهم و يعلمون
انهم الدرع الحامي للوطن من المستبد ... المقاتل منهم بألف مما تعدون..
"شعب بغزالة اتخنق قلب التاريخ فى يومين ...لابس عباية جحا و هو صلاح
الدين...بيكرم الانبيا و يهزق السلاطين...و الفجر خيله و حبات الرمال عربه."
اتهم رئيس مباحث قسم قصر النيل بكل ما يحدث في ميدان التحرير من بلطجة و
عصابات تغتصب و تروع بناتنا في الميدان... و بدون دليل .. مش محتاج دليل عشان اتهم
ضابط شرطة معروفة الداخلية بلطجية و كل العسكر ولاد وس...
يا نجيب حقهم يا نموت زيهم
لا اهتف سواه و لن اريد سواه و غير متفق مع الهتاف الشهير بتاه عيش حرية
عداله اجتماعية.
"اضرب عليا انا مش جارى يا قناص ...من امتى خوفنا يابن الكلب ضرب رصاص...كل
اللى شاف الشهيد بأة تاره تاره الخاص...الدم صاحى و عنيد و لا تقبلوش تربه"
لما نبقى بني ادمين الاول نبقى نشوف الكلام ده.
مازال النظام يتعامل معنا كذباب يرش علينا الغاز و يطلق علينا الخرطوش و
المطاط و يطلق علينا الحي و يرغب في الخلاص من جيل بأكملة لأنه سيفضحة.
مش فارق معي محاكمات ثورية عن محاكمات عادلة عن زفت و قطران ... من قتل
يقتل و لو بعد حين...
سنقتص من قتلة كل حسيناً كان واقف بيننا ... اليوم, غدا, بعد غد ... سنقتص
و لو بقى من اربعة في الشارع.... سنقتص من مبارك و من طنطاوي و من مرسي كل بنظامة
و كل بجلادية و كل بقاتليه....
لن نرضخ و لن نصمت و لو كان حفيد عمر و لم يتعلم منه فنحن احفاد الحسين و
تعلمنا منه.... سنقف و لو كنا سبعون في الشارع وسط جيش لا اول له من اخر ... وقفنا
و سنقف و سيستمر وقوفنا...
حاربنا مبارك و قاتلنا طنطاوي و سنقاتل مرسي و من معه... و بعدين احنا مش
مستعجلين نفسنا طويل و مش بنزهق البلد بلدنا و رجعت لنا و بقت بتاعتنا من تاني ...
حكمنا انفسنا لفترة اشعرتنا انها فعلا بلدنا ...
سنمجد شهدائنا و نسمي شوارعنا بأساميهم ... جيكا و عماد و كريستي و عاطف و
خالد و انس ...
"يا شعب ياللى دفع تمن الشوارع دم...احفظ اسامى اللى ماتوا فى الشوارع
صم...الشارع اللى اصطفى و قصر الامارة لم...ملوك قليلة الرباية ركبوا و اتركبوا"
ملوك قليلة الرباية فعلا ... الوطي و الاخلاق الواطية و عدم نسب الفضل
لأهله هي من شيم الاخوان.... لسنا سياسيين و لا نأكل من السياسة فالسياسة مهنة من
لا مهنة له و هي قذارة و لا تعتمد سوى على الغاية تبرر الوسيلة و لا يعمل بها و
يحترمها سوى خنازير تأكل القذارة و تحلل الحرام و تحرم الحلال فقط من اجل السيطرة
على الاخرين ... فكرة السلطة في حد ذاتها فكرة قذرة معتمدة على العبيد و السادة
... اصحاب السلطة في العالم عددهم لا
يتجاوز ال1% من سكان الارض و لا يملئون الارض سوى اسى و مرار و قتل و جرائم و حروب
... يساندهم عبيد القصر و تجار البشر ... فكروا كده شوية... تنكروا ان الحروب قامت
بسبب افراد لا يتجاوز عددهم 1% من الشعوب؟ الحدود قامت بسببهم ... السرقات مستمرة
برعايتهم... الفقر منتشر بقيادتهم ... المجاعات مصطنعة بقرارتهم....
