ءمحمد سيد عبد اللطيف شاب في الثالثة و العشرون ساكن في امبابة والده يمتلك مخبز و مزرعة صغيرة لتربية العجول . محمد حاصل على معهد حاسب الي و كان مسئول عن مزرعة والده. بعد ما خلص المعهد اشتغل مع والده عشان يساعده و زيه زي اي واحد مصري كان شايف اللي بيحصل في بلده من قرف مش عارفين سببها . محمد اللي كان خاطب و حيتجوز نزل معانا يوم 28 يناير عشان يعبر عن اللي جواه عشان كان نفسة بلدة تبقى احسن بلد ماكانش عاجبه حالها ولا كان موافق على اللي بيحصل في اهلة ماكانش عاجبه الافترا اللي بيحصل للناس من الحكومة اللي هي الشرطة طبعا كل شوية يسمع عن حالة تعذيب و يشوف فيديو بتاع ناس بتتبهدل و المرة اللي يضطر يتعامل فيها مع الشرطة يحس بالاهانة عشان هو مواطن عادي مش ابن سيادتة فلان بيه . الحاج سيد كان محمد ابنة هو كل حاجة في حياتة يمكن كان بيحس كتير انه محمد احسن من اشرف اخوه الكبير كان اقرب لوالدة و هو ألي معاه دايما كان شعورة ان محمد هو الحيطة اللي حيتسند عليها لما يكبر طبعا لان الراجل مش حيبقى لية معاش اللي حيراعية في مرضة و اللي بيراعية في حياتة هو محمد امل حياة الحاج سيد انة يشوف احفادة ولاد محمد و كان محضر لمحمد شقة قريبة من البيت بتاعهم عشان ابنة يبقى جنبة، الحاج سيد عمرة ماكان نفسة في منصب ولا وظيفة كان بيراعي ولادة ونفسة يمشي جوة الحيطة مش جنبها حتى و حاول انة يربي عيالة كدة بس العيال كانت بتحب مصر قوي حتى في ماتشات المنتخب كان العيال بينزلو يحتفلوا و يفرحوا و يشيلو اعلام مصر و يمشو في الشوارع يغنوا هم و صحابهم . محمد نفسة كان عايز ولادة اللي لسة ماجوش يبقوا حاجة كبيرة و يعيشوا عيشة نظيفة و محدش يزلهم لأي سبب
محمد استشهد برصاصة في رقبتة دخلت من الشمال لليمين و قتلتة في الحال
الضابط اللي قتل محمد متصور و هو بيقتلة و الناس كتير قوي شاهدين
الحاج سيد رفض المعاش او اتعويض و عايز حق ابنه اللي استشهد
الحاج سيد قاعد في الميدان عشان الضابط اللي قتل ابنه اترقى و اتنقل من مكانه
محمد ضحي عشان ولادي انا يعيشوا في دولة حرة
حتسيب والد محمد في الميدان لوحده؟
براحتك عيش و ضميرك مئنبك او ممكن من غير ضمير
بس انا مش حسيب حق محمد طول ما انا عايش
و لو ماجاش حق محمد حقتل الضابط بنفسي
Published with Blogger-droid v1.7.4
