و بعدين ايه فين الداخلية كلكم ساكتين على الداخلية اخوان و ليبراليين و يسار و سلف و كله طيب خدوا بالكم المحافظات اللي ليها كرامة هي المحافظات اللي خلصت عاى الشرطة لوحدها و الباقي زي ما هو و الداخلية لسة موجودة و طول ما الداخلية زي ما هي رتب و لابسين ميري و متحكم فسها نفس الضباط اللي كانوا بيزلو الشعب مفيش تغيير حرام عليكم بجد مصيبة لا تكونوا فاهمين الجيش حاكم البلد بالمخبرات ولا العساكر مبدئيا كدة الجيش حاكم الدولة انما الشعب لأ و الدليل حظر التجول و المسيرات العمالية اللي عمالة تلبة في كل حتة الجيش مش بيحكم غير بالداخلية
طيب سؤال تاني انا عايز الخمس مية لواء اخدوا كام مكافأة نهاية خدمة ؟ يعني يضربونا و يطلعوا دينا و يموتوا شبابنا و نديهم مكافأة نهاية خدمة و اهالي الشهداء يناموا في الميدان او في الشارع عشان محدش قادر يحميهم اية القدرة دية اية الظلم دة و ازاي ساكتين و محدش فيكن بيتكلم و على فكرة انا قاصد انها تبقى فيكن عشان مفيكوش راجل طول ما انتم مستغلين العملية و عاملين فيها سياسيين جتها نيلة اللي عايزة خلف لما تجيب ناس بالغباوة دية
حنحل ميتين ام الداخلية لما تلموكو تاني في السجون ولا امتى ؟
والله العظيم بجد مفيش دم
تاني هام بقى
الى الاخوة ظباط الجيش اللي دماغهم انهم يقلبو المجلس و بعد كدة يطلعوهم خروج أمن انت بتحلم يا حلمي حنطلع ميتينكم زي ما الكبار اللي حاربو بيتهزقوا حتتهزقوا انتم كمان احنا عازينها دولة لا عسكرية فاهمين ولا ام الخمسين في المية مش مخلياكم تفهموا بقالكم 60 سنة مطلعين عين البلد و عانينا من الفشل في كل المجالات بسبب غبائكم و بعدين ما احنا كلنا فاهمين اللي فيها اللي فيكم كان شاطر يا اما طلع معاش يا اما مات يعني زيكم زي بقيت مؤسسات الدولة فبلاش تعملوا فيها فلوطة و لو فكرتم تضربوا الشعب ليكم كلمة واحدة كلمة في ودنك يا حربية احنا اللي فشخنا الداخلية و بعدين مش حنسكت انا عن نفسي مش حعيش و يفضل فيا نفس و انتم بتسرقوا البلد تاني من اهلها و حعمل اي حاجة اقدر عليها عشان عايزينها لا عسكرية تبقى مدنية تبقى دينية اهم حاجة مش عسكرية و ليحظر السلطان من زحف الغابة
نكمل كمان شوية
Published with Blogger-droid v1.7.4
