أنا فرحان جدا باللي عملته امبارح
أول حاجة صحيت متأخر فـملحقتش اروح عند جامع مصطفى محمود اصلي بس لحقت المظاهرة عند شارع البطل أحمد عبد العزيز
بعد كده روحنا ميدان التحرير , العدد ماكانش كبير قوي بس الجو كان حر قوي الصراحة
قعدت ألف في الميدان مع اصدقائي وقعدنا نسمع اسكندريلا المتألقين وبعد كده الالتراس اللي المتألقين برده
وبعد كده طلعت على السفارة الإسرائيلي الساعة 4 ونص
لقيت هناك حوالي 4 الاف واحد وناس بتحاول تهد الثور والأمن المركزي واقف وباين إنه متضايق جدا وقصدي الظباط طبعا
وشوية عساكر جيش وظابط صاعقة وبرده الظباط مش عاجبهم الوضع
بس ماحدش بيقرب من الناس
شوية والناس كتير جم حوالي 8000
والسور عمال يتهد
وناس بتهتف وكل اللي ماشي ومعدي في الشارع فرحان
وشفت طفل 8 سنين ماسك شاكوش وشغال يكسر :)))
بعد هد السور كله في 4 ابتدوا يتسلقو العمارة
وصلوا للخامس وبقيت صعبة يكملوا دخلوا من شقة وظهروا في ال 17 تاني وبدأوا يطلعوا
فكوا العلم و رفعوا علم مصر وعلم فلسطين
أي حاجة بعد كده مش مهمة
آه
السفر غار في داهيةواحنا كنا حوالي 50,000
