بسم الله الرحمن الرحيم
نازل يوم 9 سبتمبر اللي جاي , ومش عارف الشارع ناوي على إيه
ياترى حيبقى فيه عنف ؟ اللي أنا عارفه كويس إن الناس مش بتبدي بالعنف
بس يعني لو المجلس قرر إنه يستخدم العنف يبقى أهلا وسهلا
أنا عن نفسي مش عايز دم تاني مش عشان خايف لأ عشان الشباب أبو 23 سنة ده حرام يموت عشان شوية حرامية
مش راضيين يعدلوا البلد
واضح كويس قوي إن المجلس مش عايز يحل المشاكل ولا يفرح الناس بالثورة
أنا أصلا مش عارف هو مقتنع إن فيه ثورة قامت ولا لأ
بس اللي أنا شايفه إن كل الحركات بتاعته بتدل على إن بس كفاية بس كفاية
ده غير طبعا الحاجات اللي ملهاش مبرر
الفلوس فين ؟
طيب مالو مفيش فلوس ادونا حسني , احنا وافقنا على محاكمات وقضاء عشان الفلوس بس
إنما ماحدش فينا عنده استعداد يضيع عمره من غير مايشوف حسني متعلق على حبل المشنقة
إن مكنشي عشان اللي ماتوا فعشان عميل
أو عشان أي سبب
لازم نشوفه متعلق
والصراحة أنتم خنقتو نا
طب بلاش ديه
اتناشر ألف واحد بيتحاكموا عسكريا ليه إن شاء الله
جرى إيه يا كفرة
طيب وظباط أمن الدولة فين
ولا واحد فيهم بيتحكم على التعذيب
هو أجهزة التعذيب اللي لاقينها ده كانت إيه ؟
ولا ده عينات؟
وبعدين عملته إيه في التحقيقات اللي طلبناها منكم ؟
الناس بتاعت كشف العذرية والناس بتاعت ضرب المتظاهرين ؟
رصيدكم خلص وحتى ال 3 جنيه بتوع سلفني شكرا خلصوا
وبعدين ال 6 شهور خلصوا
إيه فاكرنا بننسى ولا إيه ؟
حتسلموا السلطة امتى ؟
و الإنتخابات امتى ؟ رئاسة ومجالس
وبعدين إيه توزيعة الدواير ده ؟
من المحشش اللي عملها ؟
هو في إيه ؟
أنتم بتخسرو كل حاجة مش بس الرصيد
وبعدين عملتو إيه مع الرويني الكداب؟
مش قال إنه بيكدب وبيطلع إشاعات ؟
أنتم عاجبكم محمد محسن اللي مات ده ؟
الرويني هو اللي موت محمد محسن
عملتوا إيه ؟
عموما احنا نازلين يوم 9 سبتمبر
لو الناس ناوية على خلعكم أنا معاهم
ولو لسة عندهم صبر برده معاهم
بس الصراحة أنا عن نفسي صبري نفذ
بس أنا مع المجموع مع الشارع
ويا خوفي لو الشارع قلب عليكم
فهم قتله الظلمة و هادمى الامم و ما اتى عليهم قادم بخير إلا التقموه كما تلتقم الام
رضيعها و ما اتى عليهم قادم بشر إلا أكلوة كما تأكل النار اجف الحطب
و هم اهل قوة و صبر و جلدة و حمل...
و لايغرنك صبرهم و لا تستضعف قوتهم
فهم إن قاموا لنصرة رجل ما تركوه إلا و التاج على رأسه
و إن قاموا على رجل ما تركوه إلا و قد قطعوا رأسه
فأتقى غضبهم و لا تشعل نارا لا يطفئها إلا خالقهم
فأنتصر بهم فهم خير اجناد الارض و أتقى فيهم ثلاثا
1- نسائهم فلا تقربهم بسوء و إلا اكلوك كما تأكل الاسود فرائسها
2- ارضهم و إلا حاربتك صخور جبالهم
3- دينهم و إلا احرقوا عليك دنياك
و هم صخرة فى جبل كبرياء الله تتحطم عليها احلام اعدائهم و أعداء الله
رضيعها و ما اتى عليهم قادم بشر إلا أكلوة كما تأكل النار اجف الحطب
و هم اهل قوة و صبر و جلدة و حمل...
و لايغرنك صبرهم و لا تستضعف قوتهم
فهم إن قاموا لنصرة رجل ما تركوه إلا و التاج على رأسه
و إن قاموا على رجل ما تركوه إلا و قد قطعوا رأسه
فأتقى غضبهم و لا تشعل نارا لا يطفئها إلا خالقهم
فأنتصر بهم فهم خير اجناد الارض و أتقى فيهم ثلاثا
1- نسائهم فلا تقربهم بسوء و إلا اكلوك كما تأكل الاسود فرائسها
2- ارضهم و إلا حاربتك صخور جبالهم
3- دينهم و إلا احرقوا عليك دنياك
و هم صخرة فى جبل كبرياء الله تتحطم عليها احلام اعدائهم و أعداء الله
الكلام اللي فات ده عارفين من قالوا على شعب مصر ؟
الحجاج بن يوسف الثقفي
فـبلاش عند والنبي
وخدوا بالكم من حاجة
فيه على الاقل 4 مليون واحد نزلوا يوم 28 يناير
الناس ديه
من الاخر
بجد والله
ولا الجيش ولا المجلس ولا الجيش الأمريكي ولا الإسرائيلي
ولا أي عفريت يقدر عليهم
فلمو نفسكم بجد عشان خاطر البلد
حاكموا العيال قدام المحاكم الطبيعية بلاش الكلام الفارغ
وخلصوا قصص الجامعات والمحافظين والحريات يا ترجعوا بسرعة وتسلموا الحكم
للمحكمة الدستورية
للمحكمة الدستورية
عايزين جدول زمني لتسليم السلطة يا بهوات
اللهم قد بلغت اللهم فاشهد
4 سبتمبر
