عن الاساطير التي هدمتها ثورتنا
نبتدي من الاول
1. اسطورة شعب خاضع خانع ميجيش غير بالكرباج
الشعب ده نزل رقع الدولة علقة في 6 ساعات انهارت بعدها الدولة انهيار كامل و اخدت اجازة 3 شهور في البيت
2. اسطورة الداخلية
وزارة الداخلية ... مليون و 400 الف عسكري امن مركزي
اكتر من الجيش المصري
اكتر من جيش اسرائيل
قلعوا هدومهم في الميداين و جريوا من الشعب الاعزل
3. جمال مبارك الرئيس القادم
جمال مبارك في السجن مستخبي في حضن الداخلية من شعب لو شافوه في حته حيعمل معاه الجلاشة
4. الجيش المصري حما الثورة
ايوة بأمارة موقعة الجمل
موقعة 25 فبراير في التحرير
موقعة 9 مارس في التحرير
موقعة 8 ابريل في التحرير
موقعة 16 مايو السفارة الاسرائيلية
موقعة البالون (محمد محمود1) لو فاكرين
موقعة 23 يوليو في العباسية 1
موقعة اول يوم في رمضان في التحرير 1 اغسطس
موقعة ماسبيرو
موقعة محمد محمود 2 في التحرير
موقعة مجلس الوزراءفي ديسمبر 2011
موقعة بورسعيد
نكمل ولا كفاية ؟
الجيش قتل مصريين عادي .. مش غريبة زي اي جيش احتلال
5. الاخوان ثوريين
بأمارة الهروب من الميدان يوم 1 فبراير 2011 ولا العودة الساعة 10 بليل يوم موقعة الجمل بعد لما الشباب خلص على الفلول ؟
بأمارة عادل لبيب محافظ قنا؟
ولا هشام قنديل؟
ولا الجنزوري حلو؟
ولا بأمارة سامي مهران مع الكتاتني؟
ولا سفر محمد فريس خميس مع مرسي للصين؟
ولا الاتفاقات مع ابو العنين ؟
6. السلفيين جامدين و بيخوفوا
بأمارة الهروب يوم 19 نوفمبر بقيادة الكداب حازم ابو اسماعيل؟
ولا بأمارة العباسية 2؟
ولا بأمارة اسكندرية لما استخبوا في قسم باب شرق من الشعب
7. الاخوان منظمين و جامدين
ايوة صح الاتحادية بتصبح عليكم هي و المقطم و اسكندرية
و بورسعيد
نكمل بعدين
فيه حاجات كتيرة لسه
