متشكرين يا عم الرويني
طيب اسمعوا بقى الكلام اللي مش حيعجبكم و اخبطوا دماغكم في الحيطة
هو فين سيطرة الدولة ؟ للعلم بقى اصلا مفيش سيطرة للدولة على حاجة غير مكاتبكم و الاماكن اللي واضعين ايدكم عليها انما تعالى قولي هو فية حد محترم هيبة الدولة و الكلام الكبير ده
طبعا لأ
و لأ لأن شعبنا ده اجمد شعب في الدنيا قالكم سلمية سلمية و اتصور مع الدبابات و العساكر و لحد دلوقتي مش عايز يدور فيكم الضرب على اساس ان انتم ولادهم و كدة و الشرطة غير و المصيبة ان انتم مصدقين هيهيه
يعني اية الشرطة غير هي الشرطة كان معاها جنسية روسي مثلا ولا جنسية امريكاني و انتم غير ؟
يا سادة كل من يضرب الاعزل فهو فاقد للشرعية و شرعية وجوده مبنية على القوة و انتم تعلمون ان القوة في النهاية هي للشعب
رصد لشوية وقائع
اللي كانو في مسيرة العباسية مش بلطجية دة كان فيهم فنانين و كتاب و مرشحة رئاسة
اللي اتضربوا اول يوم في رمضان ماكانوش بلطجية دول اجدع ناس في مصر و لولا اعتصامهم ولا عمرنا كنا شفنا رئيس ورا السلك
اللي اتضربوا ساعة بعد الفطار شوية شباب زي الورد اكبر واحد عنده 27 سنة ولا حاجة
عاملين عليهم رجالة ؟
طيب كلمة في ودنك يا حربية احنا اللي فشخنا الداخلية
متفوقوا كده وتفهموا اللي حواليكم
الناس بتصبر بس مش كتير
وبعدين إيه حركة المحافظين على النظام القديم ده ؟؟؟
إيه القرف ده ؟؟
عادل لبيب
ده اسكندرية هدت مبنى المحافظة بسببه
عايزين ناس تخدم الشعب مش تحكم الشعب
تفتكروا في لواء ممكن يخدم الشعب مش يحكمه؟؟
الغريب بقى
كل شوية تقولولنا الناس كرهت الثورة
ناس مين؟؟
مصيبة لا تكونوا فاكرين ان اللي عمل الثورة دية ناس من المانيا
اللي عمل الثورة عمرة ما يكرهها يا زباين
الناس وراها اكل عيش و سايبنكم كدة تتسلوا بس اتأكدوا ان الست شهور خلاص فاضل عليهم تفة
بعد الست شهور حنرجع نزن تاني
السادة بقى السياسين
بيعوا الشعب و بيعوا الناس
بكرة عليكم بالجذمة ندوس
الجيش لازم يرجع ثكناتة بسرعة
و يسلموا الحكم للمحكمة الدستورية
